Hitzetik hortzera dabilkigu Gaitasun Komunikatiboa terminoa glotodidaktikaren arloan. Ia inork ez du zalantzan jartzen lortu nahi dugun xede gisa. Zailtasunak, ordea, terminoa praxira ekartzerakoan sortzen zaizkigu. “Gaitasun komunikatiboa eta hizkuntzen arteko elkar eragina EAEko hezkuntza eleanitzean” (Goikoetxea, 2006) izeneko doktore-tesian oinarritutako artikulua da honako hau. Tesi horretan gure hezkuntza sistemako gaztetxoen gaitasun komunikatiboa eta euskara, gaztelaniaren eta ingelesaren arteko elkarreraginaren nondik norakoa aztertzen dira.

Zergatik ez dute gazteek euskara jakin beste erabiltzen? Gazteen hizkuntz errealitatea eta euskara uztartu dituen ikerketa baten berri ematen du lan honek. Debako gaztediak euskara gutxitan erabiltzearen arrazoiak aurkitzea izan da helburu nagusia, eskuhartze-programa egoki bat diseinatu nahi izan baita ondoren.

Ikerketak hurbilpen kuantitatiboa zein kualitatiboa erabili ditu, uste baitugu bi eratako datuok eskaintzen digutela ikuspegirik osoena. Artikulu honetan aipatu ikerketan lorturiko emaitza nagusiak labur aurkezten aire, ikertutakoaren nondik-norakoak ezagun daitezen.