Eman da argitara EHAAn HABEren zuzendari nagusiaren 2019ko martxoaren 8ko Ebazpena, HEOCen zedarritutako komunikagaitasun-mailak egiaztatzeko 2019. urteko probetarako aztertzaileak izendatzeko dena.

2019ko azaroaren 15 eta 16an antolatuko dira Donostian GIELE taldearen III. Jardunaldiak HABEren lankidetzarekin. Hizkuntzen ebaluazioan ari diren profesionalek osatutako elkartea da "Grupo de interés en Evaluación de Lenguas en España", GIELE alegia. Espainia mailan hizkuntzen ebaluazioaren esparruko ikerketak eta ekimenak hedatu eta sustatzea da elkarte horren asmoa.

2019ko urtarrila-ekaina

GEURE ITURRIETATIK

- Bitartekotza linguistikoa, konpetentzia berria (Iñaki Villoslada)

- Ordenagailu bidezko hizkuntzen egiaztatzegintza (Itxasne Sagarzazu Olaizola)

- Hizkuntza-eskakizunen egiaztatzegintza aztergai (Uxue Zalbidea Olabarri)

Bitartekotza linguistikoa (BL) boladan dago. BLa bitartekari batek burutzen duen hizkuntza-jarduera da, kode linguistiko –hizkuntza, aldaera edo erregistro– desberdinak darabiltzatenek elkar uler dezaten. Komunikazio-modu hori Europako Erreferentzia Marko Bateratuan (EEMB) jarduera integratzailetzat jo da, ekoizpena, harrera eta interakzioa (elkarrekintza) bateratzen dituelako. Artikulu honetan, bitartekotza profesionaletik bereizi ondoren, BL arrunt terminoaren erabilerara hurbildu da egilea, bigarren hizkuntzen, bereziki euskararen, irakaskuntzaren ikuspegitik.

(Idazmenaren) sukaldetik (irakurmenaren) laborategira egin du jauzi oraingo honetan Daniel Cassanyk. Izan ere, iaz katalanez argitaratuko liburua plazaratu berri du Anagrama argitaletxeak gaztelaniaz “Laboratorio lector. Para entender la lectura” izenburuaz.

Adjektibo moduan "super"rek bikaina esan nahi du eta iparraldean, harroa. Izen moduan gasolina mota bat zen eta, azkenik, erabiltzen da supermerkatu hitza laburtzeko. Aurrizki moduan euskarak bereganatutzat jo daiteke, gainetik adierazten du, edo handitasuna gaineratzen dio laguntzen duen izenari. Hiztegiak super aurrizkidun hitz batzuk jasotzen ditu eta Euskaltermen badaude beste zenbait jasota. Bestetik, gaur egun, ahozkoan maiz erabiltzen da "super" izenondoen eta adberbioen aurretik balio superlatiboa emateko (gaztelania bidez mailegatutako erabilera, zalantzarik gabe). Bizitasuna ematen dio ahozko hizkuntzari –eta adierazkortasuna–, baina ez da hiztegi aberatsaren seinale, eta idatzirako ez genuke gomendatuko. Badira modu jatorragoak balio hori lortzeko.

Mendeurrena ari da ospatzen Euskaltzaindia. Egitarau oparoa prestatu dute horretarako: ekitaldi instituzionalak eta artistiko-kulturalak, argitalpenak, jardunaldi akademikoak... Azken hauek streaming bidez ikusentzuteko aukera egoteaz gain, erakundeak YouTube esparruan duen kanalean jasotzen dira gerora.

Juan Miguel Gutierrez lankide ohia zendu da 73 urte zituela. Ezaguna da bere ibilbidea zinemagile gisa, euskal zinemaren bultzatzaileetako bat izaki. Hortaz aparte, urte asko eman zituen Juan Miguelek HABEn, 1981eko urritik 2010eko abendura hain zuzen, ikus-entzunezkoen arloko hainbat eta hainbat lan eginez. Horien artean, azpimarratzekoa da “Bai Horixe” telesaio ezaguna.