Irakasbil
Albisteak
Albisteak
Argitaratua: osteguna, 2025(e)ko apirilaren 3(e)an, 10:22(e)tan
- Atala:
- Irakasbil kudeaketa
- irakasbil-kudeaketa:
- irakasbil-kudeaketa
Agerraldi kopurua 162
Moodle Moot Spain Online 2020
Azaroaren 17an eta 18an izango dira Moodle Moot Spain 2020 topaketak. Online izango dira aurten eta aldez aurretik izena eman behar da parte hartu ahal izateko.
Iraide Ibarretxe-Antuñano 20/21 ikasturtearen hasiera-ekitaldian hizlari
Iraide Ibarretxe-Antuñano irakasle katedraduna eta ikertzailea izango da 2020/2021 ikasturtearen hasiera-ekitaldian hizlaria, irailaren 18an, Bilboko Euskalduna Jauregian egingo den jardunaldian. Hitzaldiaren izenburua, berriz, "Pentsatzearen garrantzia hitz egiterakoan: hizkuntza-tipologia aplikatzea hizkuntzaz jabetzeari eta hizkuntzaren pedagogiari" izango da.
Euskarari buruzko 2019ko bibliografia hautatua
"Euskarari buruzko 2019ko bibliografia hautatua" dokumentua prestatu dute HABE liburutegian. Euskararen didaktikari, euskararen psikolinguistikari eta Euskal Herriko egoera soziolinguistikoari buruz 2019an argitara emandako lanak bildu dituzte bertan.
ALTEren 7. nazioarteko konferentzia, 2021eko apirilean Madrilen
2020ko apirilerako antolatuta zegoen 7. nazioarteko konferentzia atzeratzea erabaki zuen ALTEk; 2021eko apirilaren 22tik 24ra antolatzea da orain asmoa. Plazaratu dira programa nagusiaren zertzelada nagusiak eta ekarpenetarako laburpenak aurkezteko epe berri bat ireki dute.
HABEk udarako antolaturiko prestakuntza-jarduerak atzeratuta
COVID-19ak eragindako ezohiko osasun-krisiaren ondorioz, HABEk udarako antolatuta zituen prestakuntza-jarduerak atzeratu egingo dira, online egiteko muga tekniko edo behar bereziak dituztelako. Prestakuntza-jarduerak aurrez aurre edo sarean eskaintzeko osasun- eta segurtasun-neurrietara egokitutako programazioa eskainiko du HABEk 2020/2021 ikasturtean.
GIELE 2020 jardunaldien atzerapena
2019an HABErekin batera antolatu zituen GIELEk ("Grupo de interés en Evaluación de Lenguas en España") III. Jardunaldiak Donostian. 2020ko azaroan ziren aurtengoak antolatzekoak, baina, egoera dela-eta, 2021eko azarora atzeratzea erabaki dute aurrez aurreko ekitaldia. Hala ere, 20/21 ikasturtean zehar webinarrak eratuko dituztela iragarri dute.
Abian da "Gozatu Sarean Euskaraz" kanpaina
Hizkuntza Politikarako Sailburuordetzak (HPS) urteak daramatza ingurune digitalerako euskarazko edukiak eta bestelako baliabideak diruz laguntzen edo sustatzen. Alabaina, askotan ez da erraza izaten eduki edo baliabide horietara heltzea ahaleginak egiten diren arren. Horretaz kezkatuta, eta EABren Ingurune Digitalean Euskara Sustatzeko Batzorde-atalean hainbatetan egindako gomendioari jarraikiz, produktu horiek zabaltzeko kanpaina bat abiatzea erabaki du HPSk: Gozatu Sarean Euskaraz!. Aipatutako kanpaina gizarte-sareetan udan zehar burutuko da. Lehenengo fasean aisialdiarekin eta kirolarekin lotutako eduki eta baliabideak zabalduko dira. Hurrengoetan, berriz, beste batzuk, kulturakoak eta euskara ikastekoak esaterako.