COVID-19ak eragindako egoera orokorra ikusita, 2020ko apirilerako antolatuta zegoen 7. nazioarteko konferentzia atzeratzea erabaki zuen ALTEk. Hala, Safeguarding the Future of Multilingual Assessment 2021eko apirilaren 28tik 30era antolatzea da oraingo aurreikuspena. Urrutiko partaidetzari buruzko asmorik ere badute. Aurrerago emango dute xehetasun gehiago.

Dena den, programa nagusiaren zertzeladak (hizlari nagusiak, hitzaldien izenburuak...) eman dituzte jakitera dagoeneko. Halaber, ekarpenetarako (komunikazioak, posterrak, tailerrak...) proposamenen laburpenak bidaltzeko epe berria ireki dute, call for abstracts deritzon prozesua hain zuzen. Hau honela, 2020ko irailaren amaiera arte egongo da zabalik horretarako aukera.