Hausnarketa interesgarria egin du Lorena Fernándezek Bluesky esparruan. Aurkezpen batean, hizlariak adierazi zuen ez zuela berak esaten, adimen artifizialak baizik. Lorenak dioenez, zeuk erabakitzen duzu AAri galdetzea, zeuk erabakitzen duzu erantzunaz fidatzea eta zeuk erabakitzen duzu partekatzea. Beraz, ez diezaiogun gaiari ihes egin, erantzunkizuna norberarena baita.
Adimen artifiziala denok ulertzeko moduan liburuaren egilea ere bada Lorena, Pablo Garaizarrekin batera. HABE Liburutegian badago ale bat.