Euskarari buruzko 2024ko bibliografia hautatua argitaratu du HABE Liburutegiak. 2017tik datorren ekimena da. Hala, badute Gidak orrialdea webgunean; 13a da oraingoa.
Albistean diotenez, Liburutegiak egindako aukeraketa baten emaitza da gida, duen espezializazio-eremua aintzat hartuta. Den-denak dira 2024an plazaratutako lanak (liburuak, liburuetako atalak, artikuluak...). Honako hauek daude gidan:
- euskararen eta Euskal Herriaren egoera soziolinguistikoa aztertzen dituzten lanen erreferentziak;
- euskararen alderdi didaktikoak edota psikologikoak aztertzen dituzten lanen erreferentziak;
- Euskal Herriko hezkuntza-ereduak, hizkuntzei dagokienean, aztertzen dituzten lanen erreferentziak;
- euskara ikasteko materialak.
