Hezkuntzan adimen artifiziala gaia lantzen duten MOOC/NOOC erako bi ikastaroren berri izan dugu. Hau da, biak dira doakoak, online eta pertsona guztiei zuzendutakoak; laburrak dira gainera: hiru ordu ingurukoak.
Lehenengoa, Aproximación a la IA, INTEFek (Instituto Nacional de Tecnologías Educativas y Formación del Profesorado) antolatu du edozein mailatako irakasleei begira eta gaztelaniaz izango da, maiatzaren 7tik 16ra. Mª del Mar Sánchez Verak prestatu du.
Bigarrena, aldiz, frantsesez izango da eta France Université Numerique-k antolatu du: Intelligence artificielle pour et par les enseignants. 2025eko abenduaren 31a arte egongo da eskura.
Bi ikastaroak baliagarriak izan daitezke irakasle eta prestakuntzaren arloko profesionalentzat, teknologia berriek dakartzaten erronkak eta aukerak sakonago ezagutzeko.