Hizkuntz kontuak

Besoak antxumatu

Besoak antxumatu

by Hasier Agirre Aranburu -
Number of replies: 2

Euskarak badu esamolde edo lokuzio dotore bat besoak gurutzatu aditzera emateko. Andoni Egañak, orain hainbeste ez dela, honela baliatu zuen, postura jakin baten berri emateko:

  

Labayru Hiztegiko adibidetik suma daitekeenez, alferkeria edo utzikeria adierazteko ere erabili daiteke aipagai dugun esamoldea:

  • Egun osoan ezer egin barik, besoak antxumatuta: Todo el día sin hacer nada, cruzado de brazos. (bizk).

 

Idurre Eskisabelek, berriz, orain hamar urte pase, babestu nahia-edo irudikatzeko baliatu zuen:



Ibilitako bideak




In reply to Hasier Agirre Aranburu

Er: Besoak antxumatu

by Ainara Maya Urroz -
'Besoak antxumaturik' gipuzkeraz, eta nafarreraz 'besoak gurutzaturik' esamolde erabiliak dira. Lapurteraz eta baxenafarreraz, hala ere, beste esamolde bat ere bada: 'besoak uztarturik'.

Elhuyar-en nahiz Euskaltzaindia-n hiru forma horiez gain, beste laugarren bat ere aipatzen dute:
'besoak tolesturik'.

Zein ote da dotoreago? Esamoldearen lau formak sinonimoak dira. Oro har, lexikoarekin bezala, lokuzio eta esamoldeekin ere euskalkien aberastasun hori ere landu daiteke.

In reply to Ainara Maya Urroz

Er: Besoak antxumatu

by Hasier Agirre Aranburu -

Oso ekarpen interesgarria, Ainara.

Guztiak dotoreak, nire iritziko, baina idurizko adierarik ez duen bakarra, beharbada, tolesturena, ezta? Eta batua, hitzak berak dioen moduan, euskalkien batura baino ez da. Haren arauen aurka ez doan guztia da batua...

Egun ona izan dezazuela.