Hizkuntz kontuak

EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Ana Labaka -
Number of replies: 5

VII. Inkesta Soziolinguistikoaren datuak aurkeztu berri ditu Eusko Jaurlaritzako Kultura eta Hizkuntza Politika Sailak.

Honakoak dira aurkeztutako datuak laburtzen dituzten hiru puntu nagusiak:

  • Euskaldunen kopurua ere 12 puntu hazi da azken 30 urteetan. Hiru lurraldeetan egin du gora ezagutzak.
  • 16 urtetik gorako herritarren % 67 euskararen erabilera sustatzearen alde dago.
  • Zupiria sailburuak adierazi duenez, inkestaren datuek “berresten digute gizarteak euskararen alde egindako apustua sendoa izan dela eta sendoa izaten jarraitzen duela gaur egun ere”.


 

In reply to Ana Labaka

Er: EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Sonia Benito -

Ez dakit nik hori betetzen den gure ezkerraldeko ikastoletan... benetan... erronka polita dugu hor gabiltzanok.



In reply to Sonia Benito

Er: EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Fabian Laespada -

Ez ezkerraldean, ez beste leku askotan, Sonia.

Nire irudipena da datu horiek oso hanpatuta daudela. Goiburu gisa, ponposo eta arranditsu geratzen da inkesta. Baina ez da erreala...

Jende askok apenas dakien euskaraz erdi zutik mantentzen eta inkestan euskalduntzat du bere burua. Nire ingurumarian, behintzat, hainbatek horrela erantzuten dute.

Datuok egia balira, gainera, kontraesan flagrantea erakutsiko lukete. Flagrante eta eskerga: euskaldunok, euskara maitatu arren, bere sustapen noranahikoarekin bat etorriagatik eta gaztetxoek nahitaez ezagutu behar dutela uste sendoa badugu ere, ez ohi dugu erabili. Edo erabiltzekotan, isilik eta mutu erabili ohi dugu, kalez kaleko arakatze soziolinguistikoetan ez baikara agertzen, nonbait.  Akaso, erdera ederrean bizi den euskara herria gara. Edo euskara herria ez ezik, harago doan beste zerbait ere bagara izan. Eta ni horretan nago.

Edozelan ere, batek, arrazoi osoz, esan zuen: maita nazazu gutxio ta erabil nazazu gehixo



In reply to Fabian Laespada

Er: EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Enara Zubeldia -


Erabat ados, Fabian!

In reply to Ana Labaka

Er: EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Hasier Agirre Aranburu -
Kaixo denoi! Ezagutzaren datuak, inondik ere, betaurreko aproposekin begiratu behar dira. Beheko estekan duzue artikulu oso ohargarri bat. Arazoa ez dago erabileran soilik, eta herritarrak egiten ari diren ahalegina, agian, uste baino handiagoa da...

https://www.argia.eus/argia-astekaria/larrun/2818
In reply to Hasier Agirre Aranburu

Er: EAEko 16 urtetik gorako gazteen 74,5 euskalduna da, duela 30 urte baino 49,5 puntu gehiago

by Iñaki Villoslada -
Oso artikulu interesgarria Hasierrek geure esku jarri duena.

Gazteen erabileraren inguruan, euskararen erabileraren kaleko neurketako datuetatik (2021) ondorio positibo bat ateratzen da: adin berekoen arteko elkarrizketetan, zenbat eta gazteago, orduan eta altuagoa da euskararen kale-erabilera. Askotan, gazteei gauza askoren errua leporatzen zaie..., bada, euskararen erabileran aurretik doaz gazteak haien arteko elkarrizketetan.

Oro har, Hasierrek aipatu duen herritarrak egiten ari diren ahaleginari buruz hona hemen aurtengo 1. azterketaldira aurkeztuko diren herritarren kopurua (aurreikuspena): 15.200 herritar inguru aurkeztuko dira euskara-maila bat egiaztatzeko helburuz.

Ez da makala ahalegina!!