Testu-ereduak A2 Entzumena: Etxe bat alokatu nahi dut

Argitaratua: osteguna, 2016(e)ko uztailaren 7(e)an, 08:59(e)tan

Ekintza komunikatiboa: Etxe bat alokatzeko xedez, ideia garrantzitsuenak ulertzea lagun edo ezagun batekin izandako elkarrizketa batean.

Etxe bat alokatu nahi dut

Uxue: Aupa, Joana! Zer, iragarkiei begira?

Joana: Bai. Etxe bat alokatu nahi dut.

Uxue: A, bai! Eta non?

Joana: Ba, lanetik hurbil, erdigunean; horrela, ez dut autoa hartu beharko.

Uxue: Aizu, ba, nire ahizpak badu pisu bat zentroan alokatzeko, baina nahiko txikia da.

Joana: Bi logelarekin nahikoa dut.

Uxue: Lastima! Nire ahizparen pisuak logela bakarra du.

Joana: Nik handiagoa nahi dut.

Uxue: Eta Mikelen etxea? Badakizu, datorren hilean atzerrira joango da lanera, eta luzerako.

Joana: Nolakoa da? Zenbat gela ditu?

Uxue: Bi gela handi, sukaldea, komun bat, egongela eder bat eta terraza handi bat.

Bigarren solairua da, eta badauka igogailua.

Joana: Garestia izango da, ezta?

Uxue: Ez dakit. Deitu telefonoz eta galdetu.

Joana: Ba, oraintxe deituko diot.

(Telefonoz)

Joana: Kaixo, Mikel! Joana naiz. Uxuek esan dit etxea alokatuko duzula.

Mikel: Bai. Datorren hilabetetik aurrera.

Joana: Zenbat eskatzen duzu?

Mikel: Hilean 800 euro.

Joana: Gustura ikusiko nuke!

Mikel: Konforme. Gaur lauretan zer moduz?

Joana: Oso ondo. Zein da helbidea?

Mikel: Kale Nagusia, 2.

Joana: Ongi. Bertan ikusiko dugu elkar.

Mikel: Orduan, gero arte!