Urriaren 13ko Berrian, Mikel Irizarrek, Gipuzkoako Foru Aldundiko Hizkuntza Berdintasuneko Zuzendariak, euskalgintzan badela kezka adierazi zuen, apalaldian gaudela, geldiunean, bidegurutzean, ziklo-aldaketa batean. Biharamunean, berriz, Irizarrek aitatutakoa oinarri hartuz, Andu Lertxundik Berriako HITZ BESTE atalean, bere buruari galdetzen dio ea zein adiera eman nahi izan zion Hizkuntza Berdintasuneko zuzendariak apalaldi hitzari: umiltasuna?, beherakada? ala barealdia? Azkenik, Leire Narbaizak, euskara-irakasleak, Andu Lertxundiren galderak baliatzen ditu bere Blogean, eta ezkor ageri da "Euskaltegien heriotza” izenburu duen sarreran. Erlaxatu egin garela dio. Eta sektorea, agonian.