Instrumentalaren kasuan, *arazoetaz  forma eta gisakoak ez dira egokiak batasunerako, nahiz eta hiztunek sarri erabili. Pluraleko atzizkia –ez da (arazoez, ez *arazoetaz)  eta batzuk zenbatzailearen plurala batzuez da, ez *batzuetaz.

Mugagabean -(e)z  egiten badu ere, erakusleen eta izenordainen kasuan –etaz  ageri da: honetaz, horretaz, hartaz, gutaz, zutaz, nitaz, etab. Berdin pluralean ere: hauetaz, horíetaz, haietaz.

Gainerako izenkien kasuan,  euskara idatzian ez dira forma horiek onartzen: *semeetaz, *etxeetaz, euskara bizian erabiliak diren arren.

Instrumental mugatu plurala adierazteko, “-EZ”  kasu-marka erabili:

Mugagabea adierazteko,  “-EZ” edo “-Z” kasu-marka erabili, izena kontsonantez ala bokalez bukatzen den:

Honako kasu hauetan, aldiz, zilegi dugu “-(E)TAZ” kasu-marka erabiltzea:

•          Pertsona-izenordainekin [nitaz, hitaz, gutaz, zutaz, zuetaz...]:  Nitaz gogoratu zara.
•          Erakusleekin [honetaz, horretaz, hartaz, hauetaz, horietaz, haietaz...]: Legelaria arduratu da horretaz.
•          Galdetzaileekin [zertaz, nortaz, zeinetaz (zeinez ere bai)...]: Nortaz ari haiz?
•          Izenordain mugagabeekin: zerbaitetaz (zerbaitez ere bai), ezertaz, deusetaz (deusez ere bai)...: Ez gara ezertaz jabetzen.

Halaber, Euskaltzaindiak emandako formetan ontzat jotzen dira honezaz, horrezaz eta halakoak.

Gehiago sakontzeko: