Juan Miguel Gutierrez lankide ohia zendu da 73 urte zituela. Urte asko eman zituen Juan Miguelek HABEn, 1981eko urritik 2010eko abendura hain zuzen,  ikus-entzunezkoen arloko hainbat eta hainbat lan eginez. Horien artean, azpimarratzekoa da “Bai Horixe” telesaio ezaguna. Juan Miguel izan zen film-zuzendaria. Telesaio haren diseinua eta grabazio-lanak HABEn bertan egin ziren, antzezle askok lagunduta: Ramon Agirre, Elena Irureta, Jose Ramon Soroiz, Mikel Garmendia, Kontxu Odriozola…  Euskal Telebistan ikusi zen lehenengo aldiz, eta 1986tik 1990 urtera bitarte iraun zuen. 

Ezaguna da, bestalde,  Juan Miguelen ibilbidea zinemagile gisa, euskal zinemaren bultzatzaileetako bat izaki: dokumentalak, Ikuskak, zinema-ikastaroak, etab. Berak egindako lanek merezi duten aitortza eginez ibilbide horren nondik norakoen berri eman dute komunikabideek. Goian bego.

• Juan Miguel Gutiérrez (Wikipedia)
  
• Juanmi Gutierrez zinemagilea hil da (Berria, 19/02/18)
• Juanmi Gutierrez, errealitate sozialaren behatzaile (Berria, 19/02/19)
• Egungo zuzendari askori esker egiazko euskal zinea egiten ari da (EuskoNews, 2012)

Argazkia:

Josemari Velez de Mendizabal Azkarraga (Euskonews-en, CC lizentziapean)