Curriculum-foroa

Kaixo, Marga: galdera ona. Boteprontoan erantzungo nizuke, beharbada, erreferentzia-markoa delako eta, alde horretatik, balio behar zuelako, gero, haren barruan mihise guztiak sarbidea izateko eta, estilo, egoera eta abarren arabera, margo desberdinak egiteko. Esan nahi dut markoaren arrakasta, hain zuen, kontuan hartu beharreko  hamaika gairen abstrakzioa egin izana dela eta abiatu zela premisa jakin batetik: erabiltzaileek erraz erabiltzeko dokumentua izan behar zuen, hots, dokumentu ireki bat balio behar zuena bigarren hizkuntzen ("atzerriko hizkuntzak") irakaskuntza sustatzeko, partekatutako lan-ildo eta irakaskuntza-metodologia jakin batzuen inguruan, bereziki eleaniztasuna eta kulturaniztuna sustatzea eta hizkuntzen irakaskuntzaren ikuspegia zabaltzea helburua izanik. Baliteke gaitasun linguistikoen deskribapeneko egindako abstrakzioak azaltzea zergatik ez diren eskuratze-hurrenkera edo aldi jakin batzuk esplizituki agertzen. Nolanahi ere, egileek beraiek erantzungo lukete hobeto. Edozein kasutan, markoaren helburua hauxe ere da: erreztasunak ematea hizkuntzen irakaskuntzako elementu  biren edo gehiagoren arteko lotura frogatzeko; beraz, markoaren markoa (derrigorrezko erredundantzia) zuk aipatzen duzun horren inguruan hausnartzeko eta lan egiteko baliabidea ere izan daiteke.