Baleen berbaroa/ Sukar ustelaren urtea/ Azeria eta lehoia. Edorta Jimenez

Baleen berbaroa/ Sukar ustelaren urtea/ Azeria eta lehoia. Edorta Jimenez

Monika Perez -
Erantzun kopurua: 5

Trilogia hau udaran irakurri nuen. Hiru liburuak zoragarriak iruditu zaizkit.

Istorioa oso interesgarria da, jakin-mina pizten du. Euskal-Herriari buruzkoa izatea asko eskertu dut. Idazteko era ere gustukoa dut.

Batzuetan itsasontzian bertan edo itsas zabalean edo garai hartako herri arrantzale batetan nengoela ematen zuen.

Monika Perez(e)ri erantzunda

Er: Baleen berbaroa/ Sukar ustelaren urtea/ Azeria eta lehoia. Edorta Jimenez

Gurutze Arrieta -
Poztu naiz zure iritzia irakurrita. Nik irakurri nituenean asko gustatu zitzaizkidan hirurak eta berriro irakurtzekotan ere banago. Orain arte ez dut beste inoren iritzirik irakurri eta horregatik poztu naiz. Ez dira errazak irakurtzen, baina merezi du, ezta?
Gurutze Arrieta(e)ri erantzunda

Er: Baleen berbaroa/ Sukar ustelaren urtea/ Azeria eta lehoia. Edorta Jimenez

Monika Perez -
Egia esateko irakurketa oso erraza egin zitzaidan. Hasieratik gozatu nuen eta horrexegatik plazerra izan zen. Oso oroitzapen polita daukat.
Monika Perez(e)ri erantzunda

Er: Baleen berbaroa/ Sukar ustelaren urtea/ Azeria eta lehoia. Edorta Jimenez

Gurutze Arrieta -
BALEEN BERBAROA berriro irakurtzeko gogoa nuela esan nuen aurreko batean eta halaxe egin dut. Berriro hartu dut liburua eta berriro gozatu dut, akaso aurrekoan baino gehiago. Oso oso erraz eta gustura irakurri dut. "Mundakan" kokatuta dago kontakizuna, XVI.mendean. Eta oso ondo eusten dio garaiari. Garai hartako bizimodua, arrantzale herri txiki bateko bizimodua oso modu erakargarrian ematen du. Pertsonaien artean erraz sentitzeko giroak sortzen ditu, deskribapenak, hizkera, gertakizunak... guztiak du erakarpena nire gusturako. Orrialde bakoitzak du bere gozapenerako zerbait eta kontakizunak berak ere bai, noski! Sekretuak, misterioak, liskarrak... beti ere ohiko bizimoduan txertatuta eta pertsonaiean bideetan natural sortzen direnak, behartu gabekoak, sinisgarriak erabat. Oso oso entretenigarria eta interesgarria. Gainera, gustura irakurriz gero, beste bi eleberri ditu jarraipen gisa: "Sukarraren urtea" bata, eta "Azeria eta lehoia" bestea. Nik hartu dut bigarrena eta martxa polita daramat. Esango dizuet!
Gurutze Arrieta(e)ri erantzunda

Er: Baleen berbaroa/ Sukar ustelaren urtea/ Azeria eta lehoia. Edorta Jimenez

Gurutze Arrieta -
Bukatu da "Sukar ustelaren urtea". "Baleen berbaroa"n Sabastian ezagutu nuen, Sebastian eta haren ingurukoak, familia, lagunak, arrantzaleak, alkate eta gainontzekoak. "Sukar ustelaren urtea" honetan Sebastianekin abenturetan sartuta ibilia naiz. Herrian ikasitakoak eta gehiago praktikan jarri ditu Errege Felipek atondutako armadako ontzi handi batean. Oso entretenigarria iruditu zait, interesgarria eta sakona ere bai, jendearen izaerak eta harremanak garai hartan bezalakoxeak baitira gaur egun ere. Orain hirugarren atalaren bila noa: "Azeria eta Lehoia" . Hauxe da azken liburua trilogia honetan. Hirugarren hau hasteko irrikan nago. Beraz, kontatuko dizuet.
Gurutze Arrieta(e)ri erantzunda

Er: Baleen berbaroa/ Sukar ustelaren urtea/ Azeria eta lehoia. Edorta Jimenez

Gurutze Arrieta -
Bukatu dut "Azeria eta lehoia", trilogiaren hirugarren liburua. Egia esan, ez dut beste bi eleberriak bezain gustura irakurri, luze egin zait. Azken baten, Sebastianengan zentratzen du istorioa liburu honetan; bere inguruan garatzen da istorio osoa. Orain arteko abentura zertan bukatzen den azaltzeko eleberria da. Baina esan beharra dago, hala ere, idazkerak berak, berez lotu nauela ni irakurle bezala, oso idazkera polita iruditu zait hirugarren hau ere, kontakizuna besteetakoak bezain interesgarria izan ez bada ere.
Gauzatxo bat: trilogia hau irakurri nahi eta euskaraz ez dakienak edo idazkerari begirada bat emanda ausartzen ez denak, badauka gaztelaniaz irakurtzeko aukera ere, gaztelaniara eta beste hizkuntza batzuetara ere itzulita baitago. Eta nire ustez, merezi du, benetan merezi du eta animatzen zaituztet irakur dezazuen. Gutxitan harrapatu dut eskuartean, nik, horren lotuta izan nauen libururik. Eskerrak, beraz, Edorta Jimenezi aukera hau emateagatik.