Udaran irakurri nuen.
Emakume txiro batek hirian eroso bizitzea lortzen du. Gizartearen pentsamenduaren ondorioz ezkondu egiten da eta poliki-poliki galbidera doa.
Egoera nola deskribatzen duen bikaina iruditu zait. Bertan beraien etxaldean zaudela ematen du.
Ikaragarria egin zait beltzekiko zuriek duten jarrera.
Doris Lessingen "Belarra kantari" Koro Navarrok itzuli du. Nire iritziz oso ederto. Atseginez irakurri dut.
Atzo Doris Lessing hil zen eta nire omenalditxoa egin nahi diot benetan irakurtzea merezi duen liburu honi buruzko iritzia sartuz.
Monikak jada egina dauka eta oso ondo, ados gaude. Nire aldetik gehitu nahi nuke Doris Lessingek lortu zuela ni bere nobelan sartzea, protagonistaren garatze eta erabateko ahultzea bizitzea, nahiz bere jokaera erabat ulergaitza iruditu. Historia errepikatu egiten da, aurrerakuntza ekonomiko gorabehera, baino botere harreman oinarrizkoenak bere horretan dirau. Bizimodua erabat aldatzeko aukera izan eta gure aurrekoen eskema eta akats berdinak errepikatzen ditugu.
Hegoafrikako bi mundu kontrajarriak, bi kultura, bi hizkuntza, bi bizimodu erabat ezberdin, talka egiten espazio geografiko berdinean. Ezezagunaren aurrean sentitu daiteken beldurra islatu eta transmititzen du. Zer pentsa ematen du eta ez da zaila suertatzen gure gurasoak txikiak zirenean bizi izan zutenarekin paralelismoak egitea, nahiz bakarren batek pentsa dezaken gaur egun etorkin berriekin dugun egoeraren antza handiagoa duela.
Nik oso erraz irakurri banuen ere, asko irakurtzen duen euskaldun berri batek irakurtzeko zaila egin zitzaiola esan zidan. Hala ere, esfortzuak merezi duela uste dut.
Neri pila gustatu zitzaidan,hori bai gogorra egin zitzaidan
Nik ere gustura irakurri nuen. Eskertzen diot Mielanjeli Dorys Lessing-en aipamena egitea eta gure forora ekartaraztea. Niretzat idazle ezezaguna zen liburu hau irakurri nuen arte, eta esan beharra daukat benetan gustura irakurri nuela. ALde batetik gaia berezia baina gure ohikotasunera erraz alda zitekeena iruditu zitzaidan, eta gainera Monikak eta Mielanjelek esan dutenez azkar sartzen zaitu idazleak istorioan, pertsonaien sentipenak eta pentsamoduak ederto transmitituz. Bertan zaudela ematen du, momentu onenetan eta txarrenetan ere, gainera. Ez da erraza hizkuntza aldetik, baina istorioak berak eramaten zaitu gehienetan eta gustura irakurri daitekeela uste dut. Monikak esan bezala, lan ona egin du Koro Navarrok itzulpenean. Goian Bego beraz, Dorys Lessing.