Ganora handirik gabe hasi nintzen irakurtzen liburu hau: lokartu aurretik ordu laurden bateko irakursaioak eginez eta horrela. Kontua da nobelak hasieran hari mutur asko dituela, itxuraz, loturarik ez dutenak. Gainera, pertsonaia dezente agertzen dira. Azkenean, behintzat, ia lagatzekotan egon nintzen.
Zorionez, Bernarren iritzia irakurri nuen eta horrek jarraitzera animatu ninduen (irakurle talde batean egoteak baditu bere abantailak). Hori dela eta, egun batzuetan ganora gehiagorekin irakurri dut nobela, gustura gainera, eta hasierako hari mutur horiek lotu direla eta zentzua hartu dutela ikusi dut.