03. ikastunitatea: BERDINETIK BERDINERA
Section outline
-
-
Aztertu argazkiak eta baloratu seguruak eta erosoak ote diren hiriko gune hauek. Arrazoitu iritziak.
-
Irakurri Andoni Egañaren Berriako zutabea, eta laburbildu esaldi batean.
ZINTZO
«Gizon ibili!», entzungo genuen behin baino gehiagotan etxetik kalerakoan, irteera ohikoaz kanpokoa bazen. Ongi ulertzen genuen aholkuaren esanahia. Apal ibili; ez harrotu; ez inoren gainetik jartzen ahalegindu; driskarik ez eragin, eta inguruan zirripi-zarraparen bat sortzen bazen, aldentzen saiatu. Esanak neurtu eta neurrian esan; gastatze kontuetan lagunen ez gainetik eta ez azpitik ibili; diosalik ez inori ukatu eta bakean dagoenari bakean utzi.
Donostian gertatu zen joan zen abuztuan. Mutil gazte bat neska gazte batekin berriketan ari zen taberna atarian. Neskaren bikotekide ohiak, atzealdetik hurbildu, eta ez si eta ez no, kolpe bortitz bat eman zion mutilari buruan, lurrera amildu zuena. Handik bi hilabetera hil zen Asier, eta erasotzailea kartzelan dago. Zeloek itsutu zutela irakurri izan dugu...
Tinko eta begirunez, Asier indarkeria matxistaren ondorioz hil zutela gogora ekarri digute haren senitartekoek joan zen igandean. Indarkeria matxistak gizonezkoak ere hil ditzake, eta hiltzen ditu. Eta okerrena da bere ustez gizon zebilela erasotzailea, ustez berea zuenari eutsi nahian. Aholkurik onenei ere esamoldea aldatzen hasteko garaia aspaldi joan zen. Zintzo jokatzeari ez diezaiogun gehiago gizon jokatzea deitu. Badaezpada.
berria.eus
-
Bilatu argazki zaharrak —eta, haiekin alderatzeko, gaur egunekoak—, ikasgelara eramateko.
-
Irakurri albistea, eta erantzun galderei, kideekin hitz egiteko ikasgelan. Ondoren, bilatu albisteren bat beste kiroletan gertatzen denaren berri ematen duena.
EMAKUMEEK GIZONEK BESTE IRABAZIKO DUTE NORVEGIAKO FUTBOL-SELEKZIOAN
GIZONEZKOEK BEREN SOLDATAREN ZATI BAT EMANGO DUTE EMAKUMEENA IGO DEZATEN
Norvegiako futbol-federazioak eta gizonezkoen selekzioko futbolariek gola sartu dute genero-berdintasunaren alde; izan ere, federazioak eta gizonezko futbolarien elkarteak sinatutako akordio bati esker, emakumezkoek soldata bera izango dute selekzioan jokatzeagatik. Emakume futbolariek bikoiztu egingo dituzte urteko irabaziak: funts orokorra, 330.000 €-koa barik, 640.000 eurokoa izango da. Kopuru horren barne daude gizonezkoek utziko dituzten 58.000 €-ak.
Caroline Graham Hanse futbolariak honela adierazi du bere poza: “Urrats hau ez da ezer izango zuentzat; seguruena, igarri ere ez duzue egingo zuen poltsikoetan. Baina guretzat dena da”. Norvegiako selekzioan jokatzen du, halaber, FIFAren Urrezko Baloia jaso duen lehen emakumeak: Ada Hegerberg.
Norvegiako emakumeen selekzioak Munduko Txapelketa bat, bi Eurokopa eta urrezko domina ere irabazi du, behin, Olinpiar Jokoetan; gaur egun, munduko 14. selekzioa da FIFAren sailkapenean. Gizonezkoek, ostera, hiru munduko txapelketatan eta Eurokopa batean baino ez dute parte hartu: 72.ak dira. Danimarkan ere antzeko egoera bizi zuten: gizonezko futbolariek beren soldataren zati bat eman zuten soldata-arrakala desagerrarazteko.
Danimarkako emakumeek uko egin zioten lagunarteko partida bat jokatzeari, gizonezkoekiko bazterketa salatzeko. Simon Kjaer gizonezkoen selekzioko kapitainaren laguntza izan dute aldarrikapenean; jokalari horren arabera, zenbat eta batuago egon, orduan eta errazagoa izango da eskubide eta akordio berak lortzea emakume eta gizonentzat.
-
Aztertu argazkiak eta baloratu seguruak eta erosoak ote diren hiriko gune hauek. Arrazoitu iritziak.
-
Irakurri Andoni Egañaren Berriako zutabea, eta laburbildu esaldi batean.
ZINTZO
«Gizon ibili!», entzungo genuen behin baino gehiagotan etxetik kalerakoan, irteera ohikoaz kanpokoa bazen. Ongi ulertzen genuen aholkuaren esanahia. Apal ibili; ez harrotu; ez inoren gainetik jartzen ahalegindu; driskarik ez eragin, eta inguruan zirripi-zarraparen bat sortzen bazen, aldentzen saiatu. Esanak neurtu eta neurrian esan; gastatze kontuetan lagunen ez gainetik eta ez azpitik ibili; diosalik ez inori ukatu eta bakean dagoenari bakean utzi.
Donostian gertatu zen joan zen abuztuan. Mutil gazte bat neska gazte batekin berriketan ari zen taberna atarian. Neskaren bikotekide ohiak, atzealdetik hurbildu, eta ez si eta ez no, kolpe bortitz bat eman zion mutilari buruan, lurrera amildu zuena. Handik bi hilabetera hil zen Asier, eta erasotzailea kartzelan dago. Zeloek itsutu zutela irakurri izan dugu...
Tinko eta begirunez, Asier indarkeria matxistaren ondorioz hil zutela gogora ekarri digute haren senitartekoek joan zen igandean. Indarkeria matxistak gizonezkoak ere hil ditzake, eta hiltzen ditu. Eta okerrena da bere ustez gizon zebilela erasotzailea, ustez berea zuenari eutsi nahian. Aholkurik onenei ere esamoldea aldatzen hasteko garaia aspaldi joan zen. Zintzo jokatzeari ez diezaiogun gehiago gizon jokatzea deitu. Badaezpada.
berria.eus
-
Bilatu argazki zaharrak —eta, haiekin alderatzeko, gaur egunekoak—, ikasgelara eramateko.
-
Irakurri albistea, eta erantzun galderei, kideekin hitz egiteko ikasgelan. Ondoren, bilatu albisteren bat beste kiroletan gertatzen denaren berri ematen duena.
EMAKUMEEK GIZONEK BESTE IRABAZIKO DUTE NORVEGIAKO FUTBOL-SELEKZIOAN
GIZONEZKOEK BEREN SOLDATAREN ZATI BAT EMANGO DUTE EMAKUMEENA IGO DEZATEN
Norvegiako futbol-federazioak eta gizonezkoen selekzioko futbolariek gola sartu dute genero-berdintasunaren alde; izan ere, federazioak eta gizonezko futbolarien elkarteak sinatutako akordio bati esker, emakumezkoek soldata bera izango dute selekzioan jokatzeagatik. Emakume futbolariek bikoiztu egingo dituzte urteko irabaziak: funts orokorra, 330.000 €-koa barik, 640.000 eurokoa izango da. Kopuru horren barne daude gizonezkoek utziko dituzten 58.000 €-ak.
Caroline Graham Hanse futbolariak honela adierazi du bere poza: “Urrats hau ez da ezer izango zuentzat; seguruena, igarri ere ez duzue egingo zuen poltsikoetan. Baina guretzat dena da”. Norvegiako selekzioan jokatzen du, halaber, FIFAren Urrezko Baloia jaso duen lehen emakumeak: Ada Hegerberg.
Norvegiako emakumeen selekzioak Munduko Txapelketa bat, bi Eurokopa eta urrezko domina ere irabazi du, behin, Olinpiar Jokoetan; gaur egun, munduko 14. selekzioa da FIFAren sailkapenean. Gizonezkoek, ostera, hiru munduko txapelketatan eta Eurokopa batean baino ez dute parte hartu: 72.ak dira. Danimarkan ere antzeko egoera bizi zuten: gizonezko futbolariek beren soldataren zati bat eman zuten soldata-arrakala desagerrarazteko.
Danimarkako emakumeek uko egin zioten lagunarteko partida bat jokatzeari, gizonezkoekiko bazterketa salatzeko. Simon Kjaer gizonezkoen selekzioko kapitainaren laguntza izan dute aldarrikapenean; jokalari horren arabera, zenbat eta batuago egon, orduan eta errazagoa izango da eskubide eta akordio berak lortzea emakume eta gizonentzat.