e-HIZPIDE artikuluak

Atzerriko hizkuntzak ikasteko ikuspegien hobekuntza zahartze osasuntsua sustatzeko: berrikuspen sistematiko bat

Thu, 22 May 2025 08:46:00 GMT

Azterlan honen helburu nagusia hauxe da: adineko pertsonei atzerriko hizkuntza bat irakasteko ikuspegi edo planteamendu egokienak zein diren ikertzea, erdietsi nahi dituzten emaitzak lortzen laguntzeko, eta zer onura dituzten aztertzeko. Analisiak zorrotz jarraitzen dio berrikuspen sistematikoak eta metaanalisiak egiteko PRISMA metodologiari, eta belaunaldi zaharrenentzat atzerriko hizkuntzak ikasteko dauden ikuspegiak landu dituzten funtsezko ikerketa esperimentalak identifikatzea du xede. Guztira, aurkitutako bederatzi ikerlan hartu dira aintzat berrikuspen sistematiko honetan. Horien iturriak Web of Science eta Scopus atarietan eskuratu dira. Egindako aurkikuntzek aditzera ematen dute atzerriko hizkuntzak ikasteak adinekoen ongizatea eta kalitatez zahartzea bultza ditzakeela, ikaskuntzaren emaitzak edozein direla ere. Horrek esan nahi du atzerriko hizkuntzak ikasten dituzten hirugarren adineko pertsonentzat onura nagusia ez dela hizkuntzan lortzen duten gaitasun-maila, subjektiboki gogobeteta sentitzea baizik. Hori, hain zuzen, pizgarri egokia izan daiteke ikaskuntzan emaitza hobeak lortzeko, baldin eta ikasleei ikaskuntza-ingurune atsegina eta segurua eskaintzen bazaie, eta ikasteko ikuspegi egokiak erabiltzen badira; era horretan, dagoeneko badituzten ezagutzetan eta esperientziatik abiatuta aurrera egin dezakete, bai eta interesatzen zaizkien gaiei buruz eztabaidatuta ere. Beraz, atzerriko hizkuntzako irakasleek zeregin garrantzitsua dute adinekoen hezkuntza-prozesuan; izan ere, metodo eta material didaktikoek, pertsona nagusien hezkuntza-premietara egokitzen badira, eragin positiboa izan dezakete adinduen funtzio kognitiboak mantentzeko –eta, are hobetzeko–, bai eta haien jarduera mentalak hobera egiteko ere; horren ondorioz, osasuntsu zahartzen jarraitzen dute. JATORRIZKO ARGITALPENA Klimova, B. eta de Paula Nascimento e Silva, C. (2024). Enhancing Foreign Language Learning Approaches to Promote Healthy Aging: A Systematic Review. Journal of Psycholinguist Research, 53, 48. https://doi.org/10.1007/s10936-024-10088-3 Aldizkariaren eta egileen baimenaz egokitua, itzulia eta argitaratua.

Bitartekotza C2 mailan: nola diseinatu jarduera egokiak eta motibagarriak

Fri, 20 Jun 2025 07:13:42 GMT

Azken urteotan, bitartekotzaren hotsa geroz eta gehiago ari da entzuten. Bai, orain, hizkuntza-eskuliburuetan usu ageri da, maila askotan; eta ez da harritzekoa hizkuntza egiaztatzeko probetan ere eskatzea, erakunde batean eta bestean. Ustea da komunikazio-modu bat dela, trebetasuna ez baino; baduela zer eskainia didaktikarako eta pedagogiarako, eta ez dela hizkuntzak ikasten laguntzeko bakarrik... hortaz, komeni da bitartekotza-jarduera batzuk gelan ere lantzea, baina nola? Ikus dezagun zer egin daitekeen C2 mailan bitartekotza-jarduera batzuk planifikatzeko, aipatu diren alderdi horiek lantze aldera. https://doi.org/10.54512/QCTE9131

Proiektuen bidezko metodologia: ikasleen parte-hartze aktiboa

Thu, 11 Sep 2025 08:03:35 GMT

Proiektuetan Oinarritutako Hizkuntzen Irakaskuntza ikuspegian oinarritutako ikastaro batean aurreikusitakoari jarraikiz, Zornotza Udal Euskaltegiko ikasleekin egindako esperientzia bat aurkeztuko da artikulu honetan. Artikulugilearen ustez, metodologia hau, talde batzuetan behintzat, eraginkortasun handiko eredua izan daiteke. https://doi.org/10.54512/CJEW3121

“Getxon euskaraz?” Proiektuetan Oinarritutako Hizkuntzen Irakaskuntzako esperientzia bat

Fri, 12 Sep 2025 08:28:12 GMT

Artikulu honek euskararen irakaskuntza proiektuetan oinarritzeko saiakera baten kronika izan nahi du, ikas-irakas talde batek une eta toki jakin batean aurrera atera zuena. Proiektua nola sortu eta nola garatu zen azaltzeko egina dago, ikasle-irakaslearen balorazioa jasota dauka, baita sortutako produktuen laginak ere. https://doi.org/10.54512/XMCT6131

Adimen artifiziala hizkuntzen ikaskuntzan eta irakaskuntzan. Promesetatik ebidentzietan oinarritutako aurrerapenetara

Tue, 30 Sep 2025 14:04:57 GMT

Adimen artifiziala bat-batean eta indarrez sartu da hizkuntzen irakaskuntzan. Hasierako promesetatik harago, beharrezkoa da ikuspegi orekatua eta funtsatua AAk hizkuntzen ikaskuntzan eta irakaskuntzan duen eginkizunaz. Horretarako, AAk ikasleen eta irakasleen arteko harremanean duen eragina aztertuko da, hizkuntza-jarduerei (ulermena, adierazpena, elkarreragina eta bitartekotza) eta gizarte- eta pedagogia-zereginei dagokienez. Era berean, hizkuntzen irakaskuntzan AAren erabilera kokatzeko printzipio pedagogiko batzuk proposatuko dira. https://doi.org/10.54512/GJDS5646 JATORRIZKO ARGITALPENA Trujillo Saéz, F. (2025). Inteligencia artificial en el aprendizaje y la enseñanza de lenguas. De las promesas a los avances basados en evidencias. Textos, Didáctica de la Lengua y de la Literatura, 108. Aldizkariaren eta egilearen baimenaz egokitua, itzulia eta argitaratua.

Adimen artifizial sortzailea hizkuntzen irakaskuntzan. Irakasleen aukera eta gaitasun berriak

Mon, 20 Oct 2025 07:48:03 GMT

Adimen artifizial sortzailea hizkuntzen irakaskuntza eraldatzen ari da irakaskuntza-prozesuetan; izan ere, erraztu egiten ditu irakaskuntza-plangintza, zereginen diseinua eta ebaluazioa. Gainera, aukera ematen du materialak pertsonalizatzeko, atazetan oinarritutako ikaskuntza sustatzeko eta atzeraelikadura hobetzeko. Bestalde, adimen artifizial sortzailea ezartzeko, gaitasun digital espezifikoak garatu behar dira eta erabilera kritikoa eta etikoa sustatu behar da eskolan. https://doi.org/10.54512/FLAA2156 JATORRIZKO ARGITALPENA Pujolà, J. T. eta González Argüello, V. (2025). La inteligencia artificial generativa en la enseñanza de lenguas. Nuevas posibilidades y competencias docentes. Textos, Didáctica de la Lengua y de la Literatura, 108. Aldizkariaren eta egileen baimenaz egokitua, itzulia eta argitaratua.

Nola kudeatu hizkuntzen eskola anitza, inklusiboa eta maila askotarikoa

Mon, 24 Nov 2025 13:54:32 GMT

Artikulu honen bidez, hizkuntzen eskola anitza, inklusiboa eta maila askotarikoa ku-deatzeko gida lagungarri bat eskaini nahi dugu, kontuan hartuta ikasleek askotariko hizkuntza-mailak, ibilbideak eta hizkuntza-premiak dituztela. Irakaskuntza homogeneoaren ordez, bereizte pedagogikoan eta plangintza malguan oinarritutako ikuspegia proposatuko dugu. Ondoren, taldeak kudeatzeko eta ikasleen parte-hartzea sustatzeko estrategia pedagogikoak aurkeztuko ditugu, besteak beste, honako hauek: rol bereiziak dituen lan kooperatiboa, ikaskuntza-geltokiak, bitartekotza eta ebaluazio formatiboa. Proposamen didaktikoen eta moldagarrien bidez erakutsiko dugu aniztasunak ez dakarrela lana biderkatzea, baizik eta esperientzia moldagarriak, esanguratsuak eta emozioen ikuspegitik garrantzitsuak diseinatzea. Ikuspegi horrek ikaskuntza kolektiborako aukera bihurtzen du aniztasuna. Horren arabera, hezkuntza benetan inklusiboa komenigarria bezain beharrezkoa da eskolako errealitateari eta gaur egungo gizarte-premiei erantzuteko https://doi.org/10.54512/IUUO7015

Adimen artifiziala: hiru euskara-irakasleren esperientzia eta iritzia

Fri, 12 Dec 2025 10:43:44 GMT

2025eko uztailean “Adimen artifiziala helduen euskalduntzean” ikastaroa antolatu zuen HABEk, Euskal Herriko Unibertsitatearen Udako Ikastaroen baitan. Euskara-irakasle batzuk aritu ziren bertan hizlari. Horietako hirurekin hitz egiteko aukera izan genuen; haiek esandakoak bilduko ditugu artikulu honetan. https://doi.org/10.54512/ALFK3698

Ebaluazio formatiboaren zeregina euskararen irakaskuntzan: erregulazioaren eta ikaskuntza autonomoaren artean

Fri, 23 Jan 2026 08:23:35 GMT

Helduen euskalduntzean, ebaluazioak funtzio bikoitza betetzen du: hizkuntza-egiaztatzea eta ikaskuntza-prozesuan laguntzea. Artikulu honetan, ebaluazio formatiboak testuinguru horretan duen zeregina aztertuko da; izan ere, badago curriculum-esparru komuna (HEOC), eta, aldi berean, aurrerapenaren ebaluazioa hezitzaile gisa definitzen duen araudia. Hezkuntza-ikerketaren eta hizkuntzen didaktikaren ekarpenetatik abiatuta, aztertuko da ebaluazio formatiboak nola erraztu dezakeen ikasle helduen autonomia, autorregulazioa eta gogoeta metalinguistikoa, irakaskuntza kontzienteagoa eta parte-hartzaileagoa izan dadin. Azkenik, ebaluazioaren kultura profesionala finkatzeko beharra planteatuko da, araudiaren eskakizunak eta hizkuntza ikasteko helburu pedagogikoak koherentziaz integratzeko. https://doi.org/10.54512/PXQN8942

Hezkuntza-erakundeak hobetzea. Etengabe ikasten duten profesionalak eta erakundeak

Tue, 10 Feb 2026 12:27:18 GMT

Aldaketa eta hobekuntza etengabeko erronkak dira egungo gizartean, baita aukerak ere hezkuntza-arloko profesional eta erakundeentzat, prestakuntza-emaitzak eta jardueren kalitatea hobetu nahi dituztenean. Hori lortzeko, beharrezkoa da honako hauen garapena kontuan hartzea, betiere elkarrekin lotuta: curriculum, erakunde, arlo profesional eta komunitarioarena. Ondorioz eratortzen diren berrikuntza-prozesuak sustatuz eta babestuz erdiesten dugu erakunde-garapeneko faseetan aurrera egitea eta ikasten duten eta ezagutza pedagogiko berria sortzen duten erakundeak lortzea. Prozesu hori ez da berez gertatzen eta aldaketa-eragile gisa jardungo duten eta testuinguruaren araberako beharretarako eta premia profesionaletarako estrategia egokienak erabiliko dituzten profesionalak eta zuzendariak behar ditu. https://doi.org/10.54512/EJEU5118