Daniel Cassany Comas doktorea izango dugu hizlari 2022ko irailaren 16an Donostian egingo den helduen euskalduntzearen 2022/2023 ikasturtearen hasierako ekitaldi akademikoan; Bingen Zupiria Gorostidi Kultura eta Hizkuntza Politikako sailburu jauna izango dugu mahaiburu. Hitzaldiaren izenburua, berriz, “Eskolak ematearen artea (hizkuntzalari baten arabera)”.

Datozen egunotan egingo diren zenbait web-mintegiren berri izan dugu. Euskaraz izango ez diren arren, geure esparrurako ere interesgarriak izan daitezke. Honako gai hauek landuko dira: hizkunten irakaskuntza eta teknologia, bitartekotza eta egiaztatzegintza, ekintzara bideratutako ikuspegia eta Europako Erreferentzia Marko Bateratuaren Liburu Osagarria.

Ikastaro hau euskara-irakasleei zuzenduta dago, eta Euskaltzaindiaren arau gramatikalak betetzetik harago, edozein ekintza komunikatibotan hizkuntza kalitatez erabiltzeko gaitasun estrategikoa landuko da: hitz-ordena, testu-antolatzaileak, lexikoa, puntuazioa…

"Portfolio digitala" ikastaroak ikas-irakaskuntzako gaitasun digitala garatzen eta hobetzen lagunduko du. Ikastaroak, batez ere, gaitasun digitalari dagozkion ondorengo alorrak landuko ditu: Informazioa, informazio alfabetatzea eta datuen tratamendua, Komunikazioa eta lankidetza, Eduki digitalaren sorkuntza eta Arazoen ebazpena.

Frantsesezko portefeuille hitzetik eratorria, portfolioa eskuzorro moduko bat da, paperak, dokumentuak, liburuak eta antzeko gauzak eramateko erabiltzen dena. Azken batean, pertsona baten ibilbidea edo jarduna erakusten duten lanen bilduma bat.

Hezkuntza-testuinguruetan, portfolioa ikasleari irakaskuntzan egiten dituen ahaleginak eta emaitzak modu objektiboan dokumentatzeko eta erakusteko aukera ematen dion tresna da. Bertan, ikasleak, hausnarketa-prozesu baten bidez, jardueren kantitatea eta kalitatea deskribatzeko eta aztertzeko modua dauka, eta bere ondorioak babesten ditu dokumentu eta materialekin.

Azken urteotan, portfolio digitalak interes handia piztu du hezkuntza-teknologiaren arloan. Portfolio digital edo ePortfolio gisa izendatu ohi dira literaturan.

Ikastaro honetan, portfolioa irakaskuntzarako eta ikaskuntzarako metodologia gisa aztertuko dugu, ikasleak portfolio digitalak gara ditzan tresna irekiak ezagutuko ditugu eta Moodle plataforman oinarritutako irakaskuntzarako portfolio digitala osatuko dugu; betiere, ikaslea bere ikaskuntza-ibilbidearen jabe bihurtzeko ahaleginean emaitza didaktiko hobeak lortzeko.

Ikastaro hau ikasgelan ahozko gaitasuna lantzeko jarduerak diseinatu eta horretarako estrategia didaktikoak garatu nahi dituzten euskara-irakasleei eta arduradun akademikoei zuzenduta dago, arreta berezia eskainiz ikus-entzunezkoek eta IKTek eskaintzen dizkiguten aukerei, haien praktika- eta ikaskuntza-aukerak zabaltzeko. Metodologia aktibo batetik abiatuta, modu praktikoan erantzungo diegu honako galdera hauei: zer ezaugarri ditu kalitatezko ahozko adierazpen- edo elkarreragin-jarduera batek? Zer jarduera-mota proposa dezakegu? Zer IKT baliabide ditut eskura? Nola ebaluatu eta feedbacka eskaini?

***

El presente curso está dirigido a docentes de euskera y responsables académicos que quieren aprender a diseñar actividades para trabajar la competencia oral en el aula de idiomas prestando especial atención a las TIC y a los medios audiovisuales para ampliar las posibilidades de su práctica y aprendizaje. A partir de una metodología activa responderemos de una manera práctica a preguntas como ¿qué caracteriza una actividad de expresión o de interacción oral de calidad? ¿Qué tipo de actividades podemos proponer? ¿Qué recursos TIC tengo a mi disposición? ¿Cómo podemos evaluar y ofrecer feedback?

Ikastaro hau euskara irakasteko eta ebaluatzeko prozesuetan bitartekotza txertatzeko aukerak aztertu nahi dituzten euskara-irakasleei eta arduradun akademikoei zuzenduta dago. Ikastaroak, analisia egin eta praktikan jartzeko aukera emango du, eta, era berean, prozesu hori modu eraginkorrean, autonomoan eta irakaskuntza-testuingurura egokituta garatu ahal izateko oinarriak finkatu eta beharrezko tresnak eskaini nahi ditu.

***

El presente curso está dirigido a profesores de euskera y responsables académicos que quieren explorar las posibilidades de incorporación de la mediación a los procesos de enseñanza y evaluación del euskera. El curso, de carácter exploratorio y de aplicación, pretende sentar las bases y proporcionar las herramientas necesarias para que este proceso se pueda desarrollar de manera eficiente, autónoma y ajustada al contexto de enseñanza.

Ikastaro hau norberaren emozioak identifikatuz eta gainerakoenak ulertuz, komunikazio enpatiko eta asertiboaren bidez, euskara irakastean izan daitezkeen tirabirak modu egokian kudeatu nahi dituzten euskara-irakasleei zuzenduta dago. Ikastaroak alderdi teorikoa eta praktikoa landuko ditu.

Ikastaro hau ikasgelako jarduera, ikasleen jarrerak, hizkuntza-gaitasunen ikuspegia eta metodologia aktiboei buruzko gogoeta-prozesuen sustapena hobetu nahi dituzten euskara-irakasleei zuzenduta dago. Ikastaroa oso praktikoa izango da eta bereziki parte-hartzailea.

***

El presente curso está dirigido a docentes de euskera que quieran mejorar la actividad en el aula, las actitudes del alumnado, el enfoque competencial de la lengua y el fomento de los procesos de reflexión sobre metodologías activas. Se trata de un curso eminentemente práctico y altamente participativo.