Primeran! A2 bildumak helduen euskalduntzerako A2 mailan taldean eta aurrez aurreko saioetan erabiltzeko langai didaktikoak biltzen ditu. Ikasmaterial hau HEOCak zedarritutako A2 Oinarrizko erabiltzailearen mailak euskara-ikasleari aurreikusten dion gaitasun komunikatiboa bereganatzeko sortu da. Egilea Aek-ko irakasle-talde bat da eta argitalpen honen editorea, Elhuyar.

Euskadi Irratiak Jon eta Jone fikziozko saioen edizio berriari ekin zion 2015eko urtarrilean. Atal berriak sortu zituen, eta hiru minutu inguruko fikziozko saioak emititu zituen, Prime time tarterako eduki gisa. Guztira, ehun eta hamalau atalek osatu zuten bilduma.

2005ean emititu zen fikziozko saioez osatutako bilduma honen aurrekaria. Jon eta Jone saioen kapitulu haiek argitaratu, eta B2 eta C1 mailetako jarduerez hornitu zituen HABEk.

Oraingo ekitaldian aurreikusitako produkzio-emanarekin beste hainbeste egin daitekeela eta kapitulu berri hauek didaktikoki ustiatzeko baliagarriak direla iritzita, beste egitasmo bati ekin dio Materialgintza Atalak.

Egitasmo didaktiko honek badakartza, hala ere, hainbat berrikuntza. Horien artean, nagusiena hauxe: HEOCaren ikuspegi pedagogiko eta ildo metodologikoei jarraituz, jardun biko ikasteredurako sekuentziak diseinatzeari ekin diogu.

Ziklo aldaketa aipatzetik euskaltegien heriotza igartzera. Euskararen egoera dela-eta, uztartutako hiru ekarpen azaldu dira komunikabideetan azken egunotan. Egileak, Mikel Irizar, Gipuzkoako Foru Aldundiko Hizkuntza Berdintasuneko Zuzendaria, Andu Lertxundi, idazlea, eta Leire Narbaiza, euskara-irakaslea.

Emma Pathare irakasleak artikulu labur eta interesgarria idatzi du Teachingenglish webgunean. Bertan ikasleak elkarri idaztearen abantailak azpimarratzeaz gain, jarduera horiek eraginkor izateko gidalerroak ematen ditu.

BAGOAZ! A1 eta A2 mailetan ahozkoaren ulermena eta mintzamena lantzeko ikasmateriala da, eta oinarrian propio sortu den ikus-entzunezko edukia du. Egitasmo hau, beraz, osagarriak diren bi esparrutan garatu da: mailako hizkuntza ikus-entzunezko euskarrian ekoitzi eta argitaratzea, batetik, eta, bestetik, ikus-entzunezko eduki hori oinarri hartuta entzumena edo ahozkoaren ulermena lantzeko ikasmateriala diseinatu, sortu eta argitaratzea. Lerro hauen bidez, ikasmaterial hauen helburu eta ekoizpen-irizpide nagusiak zein diren zehaztuko dugu, bai inputarenak, bai ustiapen didaktikoarenak.

Azken urte hauetan, aipatzen da oso garrantzitsua dela ekintzara bideratutako ikuspegia lantzea, zertarako-eta garatzeko bai ikasleen autonomia, baita Life Long Learning kontzeptua edo bizitza osorako ikaskuntza ere. Ikasgelaren barruan eta kanpoan ikuspegi hori erabiliz lan egiten badugu eta ikuspegi hori web-tresnak baliatuz ezarriz gero, komunikazio- gaitasun digitala ahalbidetuko duten ikaskuntza-estrategiak sustatu eta ikasle autonomoen eta prosumirtutzaileen (kontsumitu + produzitu + elkarri eragin) kontzeptua garatu ahal izango dugu, atzerriko hizkuntzen ikaskuntzan. Artikulu honetan, Gaztelania Atzerriko Hizkuntza Gisa proiektu digitalen bidez (gure kasuan, podcast-en bidez) ikasteko prozesuen aldeko arrazoiak eman nahi dira.

Lankidetzak eta talde-lanak garrantzi handia dute prestakuntza-prozesuetan. Horregatik, web 3.0 tresnek ahalbidetu eta areagotu egiten dute talde bateko partaide izatearen sentsazioa, eta, horrenbestez, komunikatzeko gaitasuna aro digitalean.

Ekintzara bideratutako ikuspegia ikasgelara eramateak eta planteamendu hori zeregin digital bidez osatzeak ikuspegi zehatzagoa eman diezaguke irakasleon eta ikasleon prestakuntza-prozesuetan esku hartzen duten gaitasunez, jarrerez, prozesuez, trebetasunez eta jakintzez.

Funtsezkoa da ulertzea zer-nolako garrantzia duen lotura emozionalak sortzeak zerbitzu baten inguruan, betiere, matrikula-kopuruari eutsi eta berau handitzeari begira. Hein berean, guztiz garrantzitsua izango da jaustea zeintzuk diren gure inguruan erabil daitezkeen estrategiarik egokienak, baldin eta kalitatezko lotura emozionalak sortu nahi baditugu.

Boga materialetan oinarritutako ikastaroak ikusi eta kudeatzeko gida-orria. Bertan biltzen dira tutoreek burutu behar dituzten prozedurak: jarraipena egin, denbora kudeatu, idazlanak zuzendu eta ikasleekin harremanetan jartzeko moduak.