LurData mapa batzuen gainean eremu ezberdinetako datuak eskuratzeko eta ikusteko Eustatek sortu duen webgunea da. Alde batetik, udalerri eta EAE mailan burututako ikerketetako datuak eskura daitezke, izan biztanleria, izan langabezia tasa, izan atzerritar jatorriko herritarrak eta beste hainbat adierazle. Bestalde, datu horiek eremu ezberdinetan atera daitezke, esaterako, auzoak, interesdunak hautatutako gune bat, udalerriak eta abar.

Euskararekin lotutako hiru datu-mota ditu eskuragarri Lurdatak: 

• euskararen ezagutza; 
• hizkuntzen erabilera; 
• etxeko hizkuntza. 

Bukatzeko, Lurdatak HABErentzat eta euskararen biziberritzerako izan ditzakeen erabilera eta aukeren inguruan ere hausnarketa bat. Izan ere, posible litzateke Lurdataren bidez honelako datuak kalkulatzea, besteak beste: 

• auzo batean dauden euskaltegi-kopurua eta haien kokapena;
• euskaltegietan matrikulatutako herritarren kopurua;
• profil linguistiko ezberdinen ‘mapeoa’ auzoka edo udalerrika. 

Egia esan, gaur egun ez dago aukera hori eskuragarri Lurdatan, baina baliagarria litzateke horretarako bidea emango balute.

Hauxe da Lurdatara sartzeko bidea; Lurdata erabiltzeko tutoriala ere badago.