H13-23 - Claves para la enseñanza semipresencial: herramientas y estrategias básicas / Jardun biko irakaskuntzarako gakoak: oinarrizko erremintak eta estrategiak

Irakasleak

Maria Fernández González. EOI Pontevedra

Diana Pastoriza Espasandin. CAFI (Centro Autonómico de Formación e Innovación. Xunta de Galicia)

Ana Colomo Cantero (AEK), Agurtzane Goñi Zugarramurdi (Ilazki euskaltegia), Ana Rodríguez Arangoa (EOI Pamplona), Fidel Vegas Fernández (Barakaldoko Udal Euskaltegia) 

Ikastaroaren zuzendaria: Iñaki Murua Anzola.  HABE

Aurkezpena

Egungo bizi-erritmoek lanarekin eta familiarekin bateragarriak diren ikas-irakas ereduak eskatzen dituztela ematen du. Halaber, ezinbestekoa da ikas-irakas prozesuak pertsona bakoitzaren ikaskuntza-erritmoei egokitu beharra. Eszenatoki honetan badago, gainera, beste eragile bat: pandemiak sortarazitako ikas- eta irakas-esperientziak. Horregatik, litekeena da irtenbidea eszenatoki hibrido edo jardun bikoetan egotea, horietan konbinatuz modu sinkronoak eta asinkronoak. 

Ikastaro honetan, jardun biko irakaskuntzaren marko teoriko-praktikotik abiatuta, esparru honetako esperientziak aurkeztuko ditugu. Horretaz gain, eredu honetan jardun duten edo jardungo duten irakasleei baliagarriak gerta dakizkien zenbait estrategia eta erreminta ere aurkeztuko dizkiegu.

Teoriko-praktikoa izango da planteamendu metodologikoa. Hala, aurkeztutako estrategia eta erreminta batzuk baliatzeko aukera izango da, baita helduen hizkuntzen ikas-irakaskuntzaren esparruko proposamenak era kritikoan aztertzeko ere.

Azkenik, helduen euskalduntzean jardun biko ereduan interesa duten pertsonen arteko komunikazioa eta lankidetzarako proposamen bat egingo da. 

Antolatzailea

EHU Uda Ikastaroak - HABE

Hartzaileak

  • Irakasleak 
    • Bereziki helduen euskalduntzean dihardutenak edota hizkuntzen ikas-irakaskuntzan
  • Unibertsitateko ikasleak

Ikastaro-mota

Aurrez aurrekoa

Datak

2023ko uztailaren 12an eta 13an.

Ordutegia

09:00-14:30

Iraupena

10 ordu (balio akademikoa: 20 ordu)

Lekua

Donostian, Miramar jauregian

Matrikularen prezioa

Gazte-tarifa 25,00  € (2023-05-31 arte). 59,00  € (2023-07-19 arte)

Orokorra 84,00 €

Matrikula murriztu orokorra 71,00 €

Matrikula exentzioa 59,00 €

Irakasteko ikasten 71,00 €

Euskaltegi edo autoikaskuntzarako zentro homologatuko kide 71,00 €

Elkarreko bazkide 71,00 €

Izen-ematea eta informazio gehiago

 Jardun biko irakaskuntzarako gakoak: oinarrizko erremintak eta estrategiak| UIK

(tokiak agortu arte)

Beste eduki interesgarriak

HABE

2023ko udako prestakuntza-ikastaroak

2023ko udako prestakuntza-ikastaroen zerrenda, azalpenak eta izena emateko estekak.
H13-23 erlea

"Jardun biko irakaskuntzarako gakoak: oinarrizko erremintak eta estrategiak" udako ikastaroa

Uztailaren 12an eta 13an izan da Donostian "Jardun biko irakaskuntzarako gakoak: oinarrizko erremintak eta estrategiak / Claves para la enseñanza semipresencial: herramientas y estrategias básicas" udako ikastaroa. Bertan azaldutako zenbait informazio dago sarrera honetan.
H13-23 erlea

H13-23 Jardun biko irakaskuntzaren gakoak: nola eman feedbacka? (bideo-laburpena)

"Jardun biko irakaskuntzaren gakoak: oinarrizko erremintak eta estrategiak / Claves para la enseñanza semipresencial: herramientas y estrategiak básicas" ikastaroaren barruan feedbackari buruz Maria Fernandez González irakaslearen azalpenaren laburpena.
María Fernández González

H13-23. Jardun biko ikastaroetarako behaketa-taula (bideo-laburpena)

H13-23 udako ikastaroaren saioetako batean jardun biko ereduko ikastaroak behatzeko taula batez aritu zen Pontevedrako HEOko María Fernández González. Bideo honetan, kontrol-zerrenda erako taula aurkezteaz gain, bere esperientzian oinarritutako adibideak jartzen ditu eta, azken finean, eredu horren gakoak aztertzen ditu.
Iñaki Murua

Jardun bikoa: bi euskaltegiren esperientzia

2023ko uztailean jardun biko ereduari buruz egindako ikastaroan antolatu zen mahai-inguruan partaide izan ziren euskaltegietako bi ordezkariren ekarpena jasoko dugu artikulu honetan, Garraldako AEK-ko Ana Colomo Canterok eta Barakaldoko Udal Euskaltegiko Fidel Vegasek adierazitakoaren laburpena, hain zuzen ere. https://doi.org/10.54512/AFNK6398
Diana Pastoriza

H13-23. Jardun biko esperientziak (1): Sblendid proiektua (bideo-laburpena)

H13-23 udako ikastaroaren saioetako batean jardun bikoan maila desberdinetako esperientziak aurkeztu ziren. Bideo honetan, CAFIko DIana Pastoriza "Sblendid" proiektuaz mintzatzen da.
Diana Pastoriza eta María Fernández

H13-23. 1. eguna (bideo-laburpena)

H13-23 udako ikastaroaren lehenengo eguneko edukiak laburbildu dira bideo honetan. Diana Pastorizak eta Maria Fernándezek esandakoak erabilitako aurkezpenekin eta materialekin osatu dira.
María Fernández González

H13-23. Jardun biko esperientziak (2): Hizkuntza Eskola Ofiziala (bideo-laburpena)

H13-23 udako ikastaroaren saioetako batean jardun bikoan maila desberdinetako esperientziak aurkeztu ziren. Bideo honetan, Pontevedrako Hizkuntza Eskola Ofizialeko María Fernández mintzatzen da.