Writing is rewriting. Aipamen horrek azaleratzen du idazkuntzaren alderdirik zailenetarikoa: lehen bertsiora itzultzea, berori aztertzeko, hobetzeko eta azkeneko bertsioa doitzeko. DOLZek eta SCHNEUWLYk aditzera ematen dutenez, prozesu motela da idaztea, neketsua, joan-etorri handikoa, etenik gabeko berridazketak eskatzen dituena.

Euren esanetan, testu-generoetan oinarritutako sekuentzia didaktikoen helburuetako bat norberak idatzitako testuak aztertzeko, epaitzeko, berreraikitzeko eta hobetzeko  prestatzea da, hori guztia ikaskide baten testua bailitzan.

Horretarako lau jardun nagusi aurreikusten dute sekuentzia didaktikoaren bilakaeran:

• Lehen ekoizpena - azken ekoizpena. Prozesua era horretara aurkeztuta, ikasleak badakite idatzitako testua berrartu, eraldatu eta hobetu beharko dutela.
• Bikoteka edota taldean testuen gaineko eztabaida. Nagusiki lehen bertsioen inguruan, baina, betiere, irizpide jakinetatik abiatuta.
• Ikaskideek idatzitako testuak hobetzea. Arazoak azaleratzen dituen testu bat jaso eta berridatzi beharko dute ikasi edota azaleratutako irizpideen arabera.
• Testua ekoizteko irizpideak eta laguntzak. Aldez aurretik eskainiak, ezinbesteko iparrorratz bilakatzen dira lehen bertsioa idazteko eta azkenera iristeko.

Alegia, testu idatziak izan dezakeen bat-batekotasuna eraldatzea da neurri handi batean bilatu nahi dena.

Artikulua esteka honetan.