Euskadi Irratiak Jon eta Jone fikziozko saioen edizio berriari ekin zion 2015eko urtarrilean. Atal berriak sortu zituen, eta hiru minutu inguruko fikziozko saioak emititu zituen, Prime time tarterako eduki gisa. Guztira, ehun eta hamalau atalek osatu zuten bilduma.

2005ean emititu zen fikziozko saioez osatutako bilduma honen aurrekaria. Jon eta Jone saioen kapitulu haiek argitaratu, eta B2 eta C1 mailetako jarduerez hornitu zituen HABEk.

Oraingo ekitaldian aurreikusitako produkzio-emanarekin beste hainbeste egin daitekeela eta kapitulu berri hauek didaktikoki ustiatzeko baliagarriak direla iritzita, beste egitasmo bati ekin dio Materialgintza Atalak.

Egitasmo didaktiko honek badakartza, hala ere, hainbat berrikuntza. Horien artean, nagusiena hauxe: HEOCaren ikuspegi pedagogiko eta ildo metodologikoei jarraituz, jardun biko ikasteredurako sekuentziak diseinatzeari ekin diogu.

BAGOAZ! A1 eta A2 mailetan ahozkoaren ulermena eta mintzamena lantzeko ikasmateriala da, eta oinarrian propio sortu den ikus-entzunezko edukia du. Egitasmo hau, beraz, osagarriak diren bi esparrutan garatu da: mailako hizkuntza ikus-entzunezko euskarrian ekoitzi eta argitaratzea, batetik, eta, bestetik, ikus-entzunezko eduki hori oinarri hartuta entzumena edo ahozkoaren ulermena lantzeko ikasmateriala diseinatu, sortu eta argitaratzea. Lerro hauen bidez, ikasmaterial hauen helburu eta ekoizpen-irizpide nagusiak zein diren zehaztuko dugu, bai inputarenak, bai ustiapen didaktikoarenak.

Kontuan hartzekoa da, irakaskuntzan ezer berritu nahi bada, besteak beste, berrikuntza horiek ikasgelako lanerako proposamenetan mamitu beharko direla, irakasleengan berrikuntzako asmo horiek errotzeko; eta, curriculum berria ezarri ahal izateko, behar diren irakasleen prestakuntza-programei laguntzeko.

HEOC dokumentuaren argitalpenak ekarritako berrikuntzak ikasmaterialetara egokitu beharrari erantzun nahi dio ikastaroak.

Hizkuntzalaritza eta hizkuntzalaritza aplikatuaren urratsez urratsezko deskripzioak tajutu du lan hau. Ezagupide linguistikoak hizkuntz irakaskuntzan ihardungo dutenei mesede egingo dielakoan. Horretarako, oso gogoan hartu da hizkuntz irakaskuntzaren alorrean hizkuntzaz jabetzea dela helburu: eta hizkuntzalaritzan, hizkuntza ikertuko duen zientzian, hizkuntzaren deskripzioa abiapuntu.

HABEk Ikaslearen gunea martxan jarri zuenetik, aldaketa ugari izan ditu euskara-ikasleei zuzendutako webguneak, izenetik bertatik hasita. Adibidez, irakasleei zuzendutako Dokumentu biltegiaren edukia bertan txertatu zen, itxura berri bat eman zitzaion webguneari zenbait urteren ondoren eta web 2.0 guneen ezaugarri eta baliabideak ezarri 2012an (ikus, esaterako, Gomez, 2013: 10-11).

Gaur egun IKASBIL izenez ezagutzen dugun atari berrituarentzat, oso garrantzitsua izan da 2012/2013 ikasturtea, egindako hobekuntza horiek guztiak eta parte hartzeko eskaintzen dituen aukerak egonkortzeko eta sendotzeko balio izan duelako. Bestalde, asko izan dira, baita ere, denbora horretan atariaren gainean nahiz atariarekin berarekin lan egiten aritu diren euskara-irakasle eta -ikasleak, ataria egunero bisitatuz, ikastaroetan parte hartuz eta eguneroko jardueretan webgunean aurkitu dituzten baliabideak txertatuz, besteak beste.

Euskara-irakasle eta -ikasle askorentzat, IKASBIL dokumentuak eta ariketak eskuratzeko webgunea da. Hala ere, hori baino gehiago ere bada, eta, horregatik, artikulu hau aurkeztu nahi dizugu, duen balioaz jabetzeko baliagarria izango delakoan. Beraz, lerrook irakurri ondoren, lortzen badugu zeure egitea IKASBILi etekin handiagoa ateratzeko ideiaren bat, ez da gutxi izango.

Bigarren Euskal Mundu Biltzarrean, «Ahozko gaitasunerako elkarrizketa »ren berri eman genuen komunikazio batean. Berriz ere gai berari heldu diogu, baina oraingoan artikulu landu, zabal eta argiagoan.

Hizkuntz irakaskuntzan aritzen garenok ondo dakigu azkenaldi honetan biziki piztu dela ahozko hizkuntzarekiko interesa, eta ahozko hizkuntzak duen garrantzia gehiago goraipatu da hizkuntzaren erregelen ezagutza baino. Izan ere, oraindik ere, hizkuntzaren arloan jende askoren beharrik nagusiena irakurtzeko gaitasuna da, zientzilari askorena, esate baterako; baina gehienek hizkuntza benetan hitz egiteko behar eta nahi dute, hau da, bera erabiliz, komunikatzeko gauza izatea. Ikasten ari diren edo ikasi duten hizkuntzan, solasean egokiro egoteko gauza izatea.

BAGOAZ! (A1-A2) audio, bideo eta sekuentzia didaktikoak IKASBILen IKASBIL atarian ahozko trebetasunak lantzeko A1 eta A2 mailetako 100 ikus-entzunezko argitaratuko dira aurten: 50 audio eta 50 bideo eta bakoitzari dagokion proposamen didaktikoa.

Gero eta pisu handiago dute teknologia berriek gure bizimoduan. Euskararen

alorrean ere nabarmena da aurrerapen teknologikoen isla. Hogei urte bete berriak ditu HABE aldizkariak. Ibilbide horretan hainbat eta hainbat aldaketa izan ditu. Eta agian oraingoa da sustraikoena. Gaur egun, paperezko euskarriaz gain argitalpen elektronikoa ere bai baitago irakurle (eta ikusle eta entzuleen) eskura. Aldaketa horien berri emateko, HABE aldizkariaren egileak beraiek ditugu artikulugile.