"ALTE Jokabide egokien printzipioak" argitaratu da

2020an eman du argitara ALTE erakundeak "Principles of Good Practice" dokumentuaren hirugarren edizioa. Erakunde horren kide da HABE Eusko Jaurlaritzaren izenean. Hala, eta euskara ikasten ari diren ikasle helduen ebaluazio zein egiaztatzegintzan diharduten irakasle eta aztertzaileentzat interesgarri bezain erabilgarri izango delakoan, testu hori euskaratu eta argitaratzea erabaki da. Bi modutara izango du eskura interesaturik dagoen orok.

H269 - Buena práctica en evaluación de lenguas: directrices, realidades y retos

Neus Figuerasek hitzaldi bat eman zuen gaztelaniaz 2009an HABEk EALTArekin batera antolatutako sinposioaren barruan, "Buena práctica en evaluación de lenguas: directrices, realidades y retos" izenburupean. Ebaluazioan eta hizkuntza-azterketetan jokabide egokiak sustatzeko gida-lerroak - EALTAren ekarpena sinposioa eratu zuten EALTAk eta HABEk Donostian 2009ko azaroaren 13an. Bideo honetan, hitzaldi osoa duzue entzungai.