Bideoteka

H350 - La cocina del conferenciante

Argitaratua: osteguna, 2013(e)ko uztailaren 25(e)an, 13:15(e)tan
Daniel Cassany

Daniel Cassanyk hitzaldi bat eman zuen gaztelaniaz Donostian 2013ko uztailaren 9an HABEk antolatutako Ikastaroen barruan, La cocina del conferenciante izenburupean.

Hitzaldia bera adibide eta erakustaldi praktiko gisara erabiliz, hizlariak hainbat alderdi esanguratsu izango ditu hizpide, ahozko azalpen magistralak sortzearekin, gauzatzearekin eta ebaluatzearekin zerikusia dutenak. Lasai solas eginez, adibide eta iruzkin baliagarriak emango dira, eta ikasgelan erabiltzeko moduko informazioa, aholkuak eta proposamenak eskainiko.

Hizlariak 25 herrialde baino gehiagotan hizkuntza-, idazketa- eta ikaskuntza-gaiei buruz hizlari, trebatzaile eta irakasle gisa izandako esperientzian oinarrituta, hitzaldi bat nola garatu azaltzen duen gida praktikoa eskaintzen da, bi helbururekin:

  1. Euskara-irakasleen (edo beste hizkuntza baten) adierazpen-trebetasunak hobetzea, azalpen hobeak egin eta beren eskoletako osagai magistralak hobeto presta ditzaten.
  2. Ideiak eta pistak eskaintzea, goi-mailako mailetan ahozko adierazpen-trebetasuna prestatzeko jarduerak prestatzeko. Maila horietan, ikasleek ahozko testu planifikatu, formal eta jarraitua gauzatzeko gaitasuna garatu behar dute.
Cassanyk 6 ataletan aurkeztu du hitzaldia: 1) Enkargua; 2) Konferentzia prestatzea; 3) Materiala; 4) Jarduera; 5) Baliabide erretorikoak; eta 6) Eztabaidaren kudeaketa. Audientzien beharren eta profilen azterketan eta balorazioan eragiten du; diskurtsoaren planifikazioan eta egitura erretorikoen erabileran (klasikoa, dekalogoa edo egitura dikotomikoak, hala nola errealitatea/desira edo iragana/etorkizuna), eta baliabide erretorikoen erabileran, ikusleen arreta erakartzeko (umorea, adibideak, pasadizoak edo "showing not telling").

Bideo honetan, hitzaldi osoa duzue entzungai.

HABE Liburutegia

Erakutsi iruzkinak

Beste eduki interesgarriak

115

H382 - Jendaurrean hitz egitea
Manu Marañonek hitzaldi bat eman zuen 2015ean HABEk antolatutako Ikastaroen barruan, "Jendaurrean hitz egitea" izenburupean. Bideo honetan, hitzaldi osoa duzue entzungai.
Zabaldu