2024ko martxoan jarri zuen martxan HABEk INGURA A1 doako ikastaro irekia (30 unitate). Urrian, berriz, A1 ikastaro osoa (60 ikastunitate) jarriko da erabiltzaileen esku, oinarrizko matrikulazio eta tutorizazio-baliabideekin batera.

INGURA A1 Ikastaroaren gaineko zehaztasunak aurkeztu eta kudeaketa-baliabideen inguruko azalpenak emateko, irailaren 30ean online saioa egin zen euskaltegi, autoikaskuntza-zentro eta gainerako kideekin batera.

Saioetan zuzenean esku hartzeko aukerarik izan ez zutenentzat, hona hemen saioaren bideoa eta aurkezpenean erabilitako dokumentazioa.