Sblendid proiektuaren baitako beste emaitza bat aurkeztuko da artikulu honetan: ikaskuntza-kontratua. Galiziako Hizkuntza Eskola Ofizialetako (HEO) bi irakaslek hartu zuten parte horren lanketan. Ikaskuntza-kontratua zer den, zertarako balio duen eta dituen abantailak eta desabantailak azaltzeaz gain, zenbait eredu aipatuko eta eskainiko dira.

https://doi.org/10.54512/LCGD9025

Telefonoa eta ordenagailua ezinbesteko egin ditugun garaiotan, ez dago gaizki atzera begiratzeko beta hartzea: ordenagailuak eskuartean izaten hasi ginenean, zalantzan jartzen genuen nola lagundu ziezagukeen makina hark gure lana egiten, nola arraio lagunduko zigun WordPerfect itsusi eta gatzgabe hark. Guztiok ikasi dugu, gutxi-asko, eskuko telefonoa erabiltzen eta ordenagailuak piztu eta nabigatzaileari eskaeraren bat edo beste egiten... Baina horrekin konformatu ez eta bada makinak “gizaki” bihurtzeko lanean diharduenik. Horretan dabiltza, eta bidea egiten ari dira, gainera: horren erakusgarri da, besteak beste, hain modan dagoen ChatGPT sonatua. Orain artean ikasi dugunari jarraikiz, komeni guri ere olatu (artifizial) hori hartzea lehertu baino lehen.

SBLENDID proiektu osoaren planteamendua elkarlaneko taldekatzeetatik abiatu zen, lankidetza-lanaren oinarri baitziren. Horrela, elkarrizketa- eta sorkuntza-fasean, eta jasotako prestakuntzaren ondoren, parte hartu zuten irakasle gehienak taldetan antolatu ziren, SBLENDID proiektuan parte hartzen zuten pertsona guztientzako baliabide-banku komun batean bilduko ziren zenbait produktu elkarrekin egiteko. Hala, artikulu honetan azalduko da produktu horietako bat: jardun biko ereduan arrakasta izateko aholkuen dekalogo bat.

https://doi.org/10.54512/JSMS6283

2023ko azaroaren 10ean eta 11n egin zen GIELEren V. jardunaldia. Lehen egunerako, ohi bezala, lau orduko lantegiak antolatu zituzten, eta gaiak askotarikoak izan ziren; guzti-guztiak hizkuntzen ikas-iraskuntzari eta egiaztatzegintzari hertsiki lotuak. Aurtengoan, proben kalitatea kontrolatzeko datuei, ulermen-probetako itemak sortzeari, Europako Erreferentzia Marko Bateratuan jasotako deskriptoreei eta adierazpen-, bitartekotza- eta elkarreragin-proben kalifikazioei buruzko aurkezpen eta ikastaro praktikoak landu ziren.

Hizkuntza Eskola Ofizialek beren hezkuntza-eskaintza malgutzeko moduak bilatzen dituzte etengabe ikasleak erakartzen jarraitu ahal izateko. Jardun biko ikastaro batean aritzeko aukerak erantzun egiten dio ikasleek hezkuntza-eskaintza aldatzeko eta IKTek eskaintzen dituzten aukerak erabiltzeko egindako eskaerari. Argiak dira ikasleentzat jardun biko ikastaro baten abantailak; ondorioz, onarpen handia izan du eta asko hedatu da eredua. Baina irakasleentzat eta eskolentzat, gauza bera esan dezakegu? Jardun biko irakaskuntza Hizkuntza Eskola Ofizialetan nola txertatzen/integratzen den aztertuko dugu, erakunde hezitzailearen ikuspegitik.

https://doi.org/10.54512/NVFP8635

Pontevedrako Hizkuntza Eskola Ofizialean behaketaz burututako hausnarketaren eta talde-lanaren emaitza aurkeztuko dute artikulu honetan bertako lau irakaslek. Hasitako prozesua gerora SBLENDID proiektuaren baitan burutu da. Horregatik, jardun biko ereduan ardaztu da azkenean gogoetarako eta hobekuntzara bideratutako kontrol-zerrenda gisa egindako ikastaroen behaketa-taula.

https://doi.org/10.54512/TJQW8186

"Iragana irudietan komunikatzen: generoaren ikuspegitik sortzeko eta aztertzeko tresnak" izeneko argitalpena oso baliagarria gerta liteke edozein esparrutan; esaterako, helduen euskalduntzean erabiltzen diren material didaktikoak eguneratzeko genero-ikuspegiaren arabera.

Lan akademiko bat egitean erabilitako iturriak aipatu behar izaten dira horrelakoak aurkezteko dauden arau jakinen bitartez. Jarraibide hori egokia da, oro har, sortzen dugun edozein testutarako. Gaur egun, aipuak eta erreferentzia bibliografikoak egiteko arau-mota ugari badaude ere, APA estiloa da erabilienetako bat erakunde akademikoetan, aldizkari zientifikoetan eta argitaldarietan. Horri erreparatzen diogu, besteak beste, e-Hizpiden eta Irakasbilen oro har.

"Estrategias lingüísticas para la sociedad multilingüe" liburuak hizkuntzen didaktikaren inguruko hamahiru artikulu biltzen ditu, hizkuntza-alorreko profesionalen artean gero eta interes handiagoa baitago ikuspegi komunikatiboak duen ahalmenean sakontzeko, gizarte eleaniztunek dakartzaten erronken testuinguruan.  Sarrera honetan, bitartekotzari buruzko bi artikuluren gaineko azalpenak eskainiko ditugu: 1) Sara Robles irakasleak idatzitako "La mediación en el Companion volume (CV): exégesis y reflexiones para su inclusión en ELE" eta 2) Jorge Martí-Contreras irakaslearen "La mediación lingüística en español para fines específicos: el ámbito de los negocios".

Artikulu honek ikusgaitasuna eman nahi die Galiziako Autonomia Erkidegoko hiru hizkuntza-eskola ofizialek (HEO) Erasmus+ proiektuen esparruan ikasitakoari eta egindako gogoetei, bai eta haietako bakoitzak abiarazitako ekintzei ere. Vilagarcía de Arousako HEOaren, Monforteko HEOaren eta Lugoko HEOaren ekimenak izan dira, motibazio eta helburu berei erantzun dizkietenak: HEOek oro har duela urte batzuetatik hona pairatzen duten eskola-uzte erregular eta etengabea identifikatzea, ulertzea eta arintzea.

https://doi.org/10.54512/XWPY1413

HABEk, LKS Next-en lankidetzari esker, euskara-irakasleen motibazioari buruzko ikerketa burutu du 2023an EAEko euskaltegietako irakasleen iritzia baliatuta, euskara-irakaslearen motibazioa helduak euskalduntzeko ikas-irakas prozesuaren eraginkortasunerako funtsezko faktore moduan ulertzen baita. Garrantzizkoa da irakaslearen rola eta ezinbestekoa eraginkorra izan dadin euskalduntzeko ahalegina. Irakaslea funtsezko faktorea da edozein ikas-irakas prozesutan, bere gain baitago prozesu hori bideratzeko lidergoa.

Dokumentu honetan, beraz, ikerketarekin zerikusia duten aspektu nagusiak jasotzen dira: lanketa kuantitatiboarekin nahiz kualitatiboarekin zerikusia dutenak.

https://doi.org/10.54512/SFID7381

Hizkuntzak derrigorrezko hezkuntza-etapa ezberdinetan ikasten dira; are, bizialdi osoko errealitatea ere bada ikaskuntza hori. Moodle bezalako ikaskuntza-inguruneek aukera ematen diete herritarrei ikastaroak online edo jardun biko ereduan egiteko eta, ondorioz, horrelako inguruneak erabiltzeak etengabeko ikaskuntzarako sarbidea erraztu du mundu osoan. Hala ere, plataformaren oinarrizko funtzionaltasunek, elkarreragin txikia dutenez, beti ez dute lortu ikasleen motibazioa mantentzea. Moodle barruan H5P plugina sartzeak aukera berriak ekarri ditu ikastaroak edo, besterik gabe, jarduerak diseinatzeko, eta, horrela, ikasleen interesari eusteko eta ikaskuntza esanguratsua sortarazteko.

https://doi.org/10.54512/CNKH6043

ELE esparruari begira ChatGPTri buruzko gida bat plazaratu berri dute ezagun ditugun hiru adituk: Manuela Menak, Vicenta Gonzálezek eta Joan-Tomàs Pujolàk. Orain arte egin dituzten zenbait ekarpenen ildotik dator. Berez espainolaren ikas-irakas prozesuetan ardaztu arren, geure esparrurako ere badago ideia eta irizpide baliagarririk.

"Erasmus+ KA104 SBLENDID" partzuergoa jardun biko irakaskuntzaren inguruan Galiziako hamar Hizkuntza Eskola Ofizialen eta CAFI (Centro Autonómico de Formación e Innovación) erakundearen arteko lankidetzaren emaitza da. Bi urtez koordinatu den lanari esker, irakasleentzako berariazko prestakuntza eskaini da (hala nola web-mintegiak, online ikastaroak eta atzerrian egindako behaketak); halaber, baliabide-sorta bat eta eredu horretarako prestakuntza-ibilbide bat gauzatu dira. Artikulu honetan, proiektua nola garatu den azaltzeaz gain, emaitzak ─adibidez, diseinatutako baliabideak─, ondorioak eta proposamenak aurkeztuko dira.

https://doi.org/10.54512/TXOO7073

Bigarren hizkuntzak ikasteko faktore indibidualez arduratzen da liburu hau, eta, zehazki, honako faktore hauek hartzen ditu kontuan: adina, hizkuntza-gaitasuna, inteligentzia, motibazioa, nortasuna, ikas-estiloak nahiz estilo kognitiboak eta ikas-estrategiak. Izaera didaktikoa du; gai bakoitza erraz ulertzeko moduan idatzita dago, adibidez edo etsenpluz hornitua, kapitulu bakoitzaren amaieran alderdi garrantzitsuenen laburpenez osatua eta landutako gaiari buruzko zenbait jarduera biltzen ditu. Ikasgelan eskola-gida gisa erabil daiteke; bakarka, ikaskuntza autonomorako edo kontsulta-lan gisa. Horretarako, gai bakoitzak bere bibliografia du, irakurketa errazteko eta kontsulta arintzeko.

HABEren zuzendari Jokin Azkuek eman zion hasiera 2023/2024 ikasturte akademikoaren hasiera-ekitaldiari, eta Bingen Zupiria Kultura eta Hizkuntza Politikako sailburuak. Segidan, euskaltegi publikoetako ordezkari Marian Toledok eta herri-ekimeneko euskaltegietako ordezkari Aize Otañok hartu zuten hitza, hurrenez hurren. Bukatzeko, "Ahoskeraren lanketa didaktikoa" izeneko hitzaldia eman zuen Lourdes Oñederra fonologia-ikerlariak.

Liburu honetan ("Discapacidad e inclusión. Manual para la docencia"), ikas-irakas prozesuetan laguntza inklusiboak kudeatzean kontuan hartu beharreko oinarrizko ikuspegia ematen da. Ildo horretatik, hezkuntza inklusiboa bideratzeko funtsezko irizpideak eskaini eta aldaketarako gakoak azaleratzen dira bertan. Puntako adituek idatzi dituzte gidaliburu mamitsu honetan luze-zabal jorratzen diren 21 kapituluak, eta, zalantzarik gabe, gogoeta nahiz praktika didaktikorako gako baliagarri ugari topatuko ditu irakurleak orrialdeotan: eskubideei buruzkoak, sailkapenaz, jarrerez, desgaitasun intelektualaz, pertsonarengan ardazturiko planifikazioaz, ikasle gorren inklusioaz, ikusteko desgaitasunaz, autismoaz, arreta-defizitaren eta hiperaktibitatearen nahasmenduaz, hezkuntza inklusiboaz, irisgarritasun eta diseinu unibertsalaz, teknologiaz...

Hizkuntzen hezkuntzan bideoaren erabilerari buruzko inkesta digital baten emaitzak laburbilduko ditugu artikulu honetan; euskara, katalana, gaztelania edo galegoa bigarren hizkuntza edo hizkuntza gehigarri gisa ikasten ari diren helduen esparru ez formala izan da aztertutakoa. 1.658 irakasle izan ditugu informatzaile guztira; 327 izan dira horien artean euskararen eremukoak. Bideoa erabiltzeko oinarrizko hiru modu hartu dira aintzat: eskolan besteren batek grabatutako bideoak ikustea, ikasleek bideoak grabatzea eta irakasleek bideoak grabatzea. Euskararen eremuko emaitzek erakutsi dutenez, irakasleen % 94k ikusten dituzte bideoak eskolan baina ikasleen % 13k eta irakasleen % 11k baino ez dituzte bideoak grabatzen. Emaitza horiek, oro har, bat datoz beste hizkuntzen lortutakoekin, baina badago desbideratzerik. Eskolako praktikarik prototipikoena azaleratzen du modalitate bakoitzaren azterketa zehatzak, helburuak, edukiak, ebaluazioa, ikasgelako dinamika (elkarreragina, idazketa) edota erabilitako bideo-mota barne. Halaber, eskolan gero eta modalitate, genero eta praktika berri gehiago ari direla sartzen nabarmentzen dute emaitzek. Interesaturik dagoenak e-Hizpide aldizkariaren 9. monografian du euskararen esparruko ikerketari buruzko informazio zabalagoa; ForVid proiektuaren webgunean bertan, berriz, gaztelaniari eta katalalanari dagozkien txostenak.

https://doi.org/10.54512/YPYC9696

Hezkuntza-organizazioen esparruan, oso liburu interesgarria eman dute argitara orain gutxi (2022) José Luís Muñoz Moreno eta Joaqín Gairín Sallán adituek. Sarrera honetan, organizazioen ebaluazio- eta hobekuntza-atalari buruzko nondik norako nagusi batzuk azaleratuko ditugu.

The aim of this article is to outline the scope of second or foreign language teaching for students with dyslexia and to provide teachers with strategies, methodologies, intervention guidelines and educational resources to do so in an optimal way. This impairment, characterised both by difficulties in decoding and rapid word retrieval in reading and by problems in reading fluency, prosody, handwriting and the appropriate use of arbitrary spelling, places an obstacle on learning additional languages because the problems encountered by learners are the result of those experienced in their native language.

"101 preguntas para ser profe de ELE" liburuaren 79. puntuan behar bereziak dituzten pertsonei bigarren hizkuntzaren bat irakasteak dituen berezitasunak aipatzen dira. Izan ere, arrazoi fisiko, kognitibo, sentsorial edo psikikoak direla-eta, zenbait ikaslek laguntza berezia behar izaten dute ikas-irakas prozesuan, eta komenigarria da zenbait neurri hartzea, ikasgelan baztertuak senti ez daitezen eta hizkuntza ikasteko orduan aurrerapenak egin ditzaten.

Uztailaren 12an eta 13an izan da Donostian "Jardun biko irakaskuntzarako gakoak: oinarrizko erremintak eta estrategiak / Claves para la enseñanza semipresencial: herramientas y estrategias básicas" udako ikastaroa. Bertan azaldutako zenbait informazio dago sarrera honetan.

Liburu honetan, gaztelania irakasteko berrikuntza- eta sormen-arloko proposamenak jasotzen dira, eta hizkuntzaren irakaskuntza ulertzeko modu berriak lantzea proposatzen da.

Hitzaldi bat emateko hizkuntzazko erremintak behar diren bezala, Cassanyk 10 metafora ematen ditu idazketa ulertzeko modu zientifikoago eta probetxugarriago batean, hau da, idazteko orduan zer hartu behar dugun kontuan oroitzeko.

HABE Liburutegia hizkuntzen ezagutzan eta ikasketan espezializatutako liburutegi publikoa da. Eskaintzen duenaren berri emango dizugu labur-labur sarrera honetan.

HABEren zuzendari Jokin Azkuek eta proiektuaren arduradun tekniko Eskarne Lopetegik aurkeztu berri dituzte INGURA online ikas-plataforman orain arte emandako urratsak.

PRIMERAN! C1 euskara ikasteko metodoaren lehen liburukia argitaratu berri du HABE erakundeak. Datozen egunetan, euskaltegi guztietara ale bana banatuko da eta Euskal Herriko saltoki nagusietan izango da salgai. PRIMERAN C1.2 datorren urteko irailerako-edo prest egotea da aurreikuspena.

Euskal Herriko Unibertsitatearen webgunean dago eskuragai "Euskal Gramatika: Egiturak eta Osagaiak (EGEO)" lana. Gramatika honen egile Patxi Goenaga euskaltzain oso eta EHUko katedradun-ohiaren hitzetan, urte luzeetako lanaren emaitza da gramatika hau.

Bigarren hizkuntzen (H2) ikasgelako atazaren kontzeptua eta azken hamarkadetan ikuspegi horrek izandako bilakaera izan dute hizpide Francisco Herrerak eta Hawaii Manoako unibertsitateko Marta González-Lloret irakasleak. Era berean, H2ko ikasgelan teknologiaren ikuspegiaz ere hitz egin dute eta horren alde didaktikoaz. Bestalde, Marta González-Lloretek azpimarratu du azken urteotan pragmatikak duen garrantzia teknologia bitarteko duten ikaskuntza-ingurune horietan.

Garrantzia handia du ekintzara bideratutako ikuspegiak, bai Europako Erreferentzia Marko Bateratuan, bai Helduen Euskalduntzearen Oinarrizko Curriculumean. Europako Kontseiluak baditu hainbat baliabide Sarean kontzeptua ezagutzeko eta gauzatzeko.

Hezkuntza-Laguntzako Berariazko Premiak (HLBP) dituzten ikasleen berariazko hezkuntza-premiak irakasleek ezagutu eta identifikatu egin behar dituzte, praktikak inklusiboak izan daitezen. Hori dela eta, argitalpen honetan HLBPak dituzten ikasleak integratzen dituzten kolektibo bakoitzaren ezaugarrien, zailtasunen eta gaitasunen eta dituzten beharren deskribapen laburra jasotzen da. Era berean, orientabideak eta baliabideak ematen dira hezkuntzako profesionalentzat eta familientzat. Argitalpen honek ikasle horiei hezkuntza-erantzuna ematen laguntzeko xedea du, hezkuntza formaleko ikastetxeek abian jartzen dituzten hezkuntza-neurriak bideratuz eta bultzatuz, betiere ikasle horiek beren premia espezifikoetara egokitutako irakaskuntza jasotzeko duten eskubidea aitortuz.

"Ekintzara bideratutako ikuspegia. Hizkuntz hezkuntzaren ikuspegi dinamikoa" liburua da Itzulpen Saila bildumaren 57. zenbakiduna. "The Action-oriented approach. A dynamic vision of Language Education" da jatorrizko argitalpenaren izenburua, Multilingual Matters-ek argitaratua. Bakun izan da liburu honen itzultzailea. Azpimarratzekoa da EEMB eta EEMB LOarekin lan honek duen lotura argia.

Zer egin behar duzu Irakasbil webgunean erabiltzaile gisa aritzeko eta parte- hartze aktiboagoa izateko? Grafiko eta irudi bidez azaltzen saiatuko gara sarrera honetan.

e-HIZPIDE. Artikulugileentzako irizpideak

Ez da berria e-Hizpide aldizkarian argitaratzen diren artikuluen erreferentzietan DOI identifikadoreak ikustea. Orain, aldiz, e-Hizpideko artikuluek eurek ere badute DOIa. Baina, zer da hori eta zertarako balio du?

"HABEren Emakumeen eta Gizonen Berdintasunerako II. Plana" dokumenturen bidez, HABEk emakumeen eta gizonen arteko berdintasuna lortzeko orduan duen konpromiso politikoa berresten da, erakundeak arlo honetan izango dituen helburu estrategikoak finkatuz eta horiek betetzeko behar diren baliabideak jarriz. Bat dator Legegintzaldirako gobernu-programan jasotako konpromisoekin eta Emakumeen eta Gizonen Berdintasunerako VII. Planarekin, eta aintzat hartzen du I. Planean egindako ibilbidea.