Course: Primeran B2 ikastaroa (1 eta 2), Topic: 09. ikastunitatea: DENOK GARA EKONOMIA-ERAGILE

ARRASTO EKOLOGIKOAK

Irakurri garapen-agentziaren webgunean kontsumo iraunkorrari buruzko informazioa, eta erantzun galdetegiari.

KONTSUMO IRAUNKORRA

Lurreko biztanle bakoitzak batez beste 2,8 azalera-unitateko aztarna ekologikoa du, hau da, ia hiru hektarea lur emankor erabiltzen ditu.

Alabaina, munduko lurra gizaki guztien artean banatzen bada, bakoitzari bi hektarea dagozkiola ikusten da; horrek ondorioztarazten digu biztanle bakoitzak dagokiona baino 0,8 hektarea gehiago ustiatzen dituela, eta hainbat herrialderen arteko ezberdintasuna agerian uzten du: herrialde garatuek aztarna ekologiko handia dute (AEBek, adibidez, 9,6), herrialde pobreek ez bezala (Indiak, kasu, 1,0).

tolosaldeagaratzen.eus (moldatua)

Kalkula ezazu zure aztarna ekologikoa Assignment

01. saioa: EKONOMIA ZIRKULARRA

Irakurri berria, eta erantzun galderei.

EKONOMIA ZIRKULARRA POSIBLE DA

Aurreikuspenen arabera, 2050ean 9.000 milioi pertsona biziko gara munduan, eta horietatik % 66 hirietan biziko dira. Hona hemen ekonomia zirkularra arrakastaz aplikatzea lortu duten hirien hainbat adibide.

- Kolkata, India: Hiri honetan, autobus-zerbitzu batek animalien eta landareen hondakinekin egiten den biogas berriztagarriekin funtzionatzen du. Erregai hori garatzen duen enpresak gobernuarekin lan egin zuen hiri osoan biogas-punpak jartzeko, eta ibilgailuak fabrikatzen dituen enpresa garrantzitsu batekin bazkidetu zen autobusak egiteko. Hala, autobusez bidaiatzeko modu hori errentagarria ez ezik, jasangarria ere bada: tarifak 0,02 dolarrekoak dira, hurrengo autobus merkeenaren hamabirena.

- Xiangyang, Txina: Asiako hiri honetan, gobernuak eta enpresaburuek ituna egin zuten lokatzetik energia ateratzeko programa bat ezartzeko. Ekintza publiko-pribatu horri esker, Xiangyang hiriak biobirfindegi bat eraiki zuen lehenago hondakin-urak tratatzen zituen instalazio batean. Birfindegiak lokatza erauzten du hondakin-urak tratatzeko prozesutik, eta, gero, hiriko elikagai-hondakinekin konbinatzen du, horrela biochar eta gas natural konprimitua ekoizteko. Emaitza bikainak lortu dituzte, eta negutegi-efektua eragiten duten gasen isuriak % 95-98 murriztu dira.

barrixe.com (moldatua)