Ondo bizi!
Badakigu zenbat kostatzen zaigun hainbat erronkari aurre egitea. Horregatik, aholkuak emango dizkiozue elkarri, nork bere erronkei aurre egiteko. Gainera, herrialde bat deskribatuko duzu, bertako ohiturak kontuan hartuta. Jaietako araudi bat adostuko duzue, eta galdetegi bat burutuko duzue, elkar hobeto ezagutzeko.
01. LAGUNDU NAHIAN
Euskara ikasten burua ez galtzeko aholku-sorta osatuko duzue denon artean.
OSATU AHOLKU-ZERRENDA
Aurrez aurreko saioan egitekoa: Ordenatu, errepasatu eta borobildu wikian idatzitakoak. Adostu zerrenda eta argitaratu euskaltegiko blogean, edo jarri kartela euskaltegian. Bidali sortutako zerrenda "berria" euskara ikasten ari den lagun edo ezagunen bati, komentatu harekin ea zer iruditu zaion, ea zerbait gehituko lukeen...
02. GURE OHITURAK
Herrialde bat deskribatuko duzu ahoz; era berean, ikaskideek deskribatutakoak asmatuko dituzu.
ASMATU HERRIALDEA
Aurrez aurreko saioan egitekoa: Foroan botatakoak errepasatu eta erantzunak asmatu beharko dituzue. Egin proba zure lagunen batekin: Esan jasotako deskribapenen bat ea asmatzen duten.
03. JAIETARAKO ARAUDIA
Jaietarako araudia osatuko duzue.
ADOSTU ARAUDIA
Aurrez aurreko saioan egitekoa: Errepasatu idatzitako arau guztiak, hausnartu haien gainean eta adostu araudi bakarra aurrez aurreko saioan. Araudi berria idatzi eta gelan zintzilikatuko duzue edo euskaltegiko blogean argitaratuko duzue.
04. ERANTZUN AHOLKUAK EMANEZ
Arazo fisikoren baten gaineko aholkuak eman eta jasoko dituzu.
EMAN AHOLKUAK IKASKIDEEI
Sartu maiz forora, ikaskideek bere arazoak azaldu ahala, eta eman zure aholkuak ikaskideei. Aholkuak ahoz edo idatziz emango dituzu.
Eman aholkuak bi senitartekori edo bi laguni.
05. GALDETEGIA
Erantzun galderei, eta gehitu bi galdera gehiago, ikaskideak hobeto ezagutzeko.
IKASKIDEAK HOBETO EZAGUTZEKO GALDERAK
Aurrez aurreko saioan egitekoa: Wikian jasotako erantzunak errepasatu eta emaitzak komentatu ondoren, txandaka, sortutako galdera berriak egingo dizkiozue elkarri. Azkenik, zerrenda bat egingo duzue, eta informazio hau bildu:
- Nor da gelako beldurtiena?
- Nor da gelako alaiena?
- Nor da gelako bihurriena?
- Nor da gelako lotsatiena?