Lana ogibide
Lanaren gainean arituko zara lan-koaderno honetan. Besteak beste, lanaren gaineko zure iritzia azalduko duzu (rol jakin bat hartuta). Zure lanbidearen berri emango duzu eta lan-eskaintza bat idatziko duzu. Horretaz gain, zure curriculum vitaea idatziko duzu eta, azkenik, berri xelebre bat kontatuko duzu.
01 OSATU AZALPENAK
Lanaren gaineko zure iritzia azaldu eta ikaskideekin komentatuko duzu.
LANAREN GAINEKO HAUSNARKETA
Aurrez aurreko saioan egitekoa: Foroan aipatutako hiru gaien gainean botakoak (etorkizuneko lanbideak, soldata igoera, teknologia) errepasatu eta esandakoak osatuko dituzue.
02- NOLAKOA BEHAR DU?
Hainbat lan-eskaintza aztertu ondoren, azaldu zein den egokiena ikaskidearentzat.
LAN BERRIA
Aurrez aurreko saioan egitekoa: Ikaskideentzat topatutako lan-eskaintzak azalduko dituzue banan-banan; zergatiak ere azaldu beharko dituzue, jakina. Ados al zaudete tokatu zaizkizuen lan-eskaintzekin? Zergatik? Egin solasaldia.
03- EGIN CV-A
Zure CVa idatziko duzu.
EGIN EKARPENAK IKASKIDEEI
Aurrez aurreko saioan egitekoa: Bikoteka jarrita, bakoitzak egindako curriculumak errepasatu eta ekarpenak egingo dizkiozue elkarri (zerbait gehitu, kendu, moldatu...).
Azkenik, atera ondorioak denon artean: Lan erraza izan da? Zer da gehien kostatu zaizuena? Eta gutxien? ...
04. KONTATU ALBISTEA
Zuen kasara entzun duzuen berri xelebreren bat azalduko duzue foroan.
AUKERATU BERRIRIK XELEBREENA
Aurrez aurreko saioan egitekoa: Aukeratu ikaskideek botatako berrien artean zein den xelebreena eta azaldu zergatiak.
Bukatzeko, kontatu berririk xelebreenak hiru lagun edo senitartekoei.