Ai, ene!
Ai, ene! unitateari lotuta, beldur-kontuak jorratuko dituzu lan-koaderno honetan. Zure txikitako beldurrak azalduko dituzu eta ikaskideenak ezagutuko dituzu. Bien bitartean, testu bat egokituko duzu irakurterrazagoa egiteko, film labur bat ikusi eta haren gaineko iritzia plazaratuko duzu, eta, ikaskideekin batera, izakirik beldurgarrienen zerrenda adostuko duzu.
01. BELDURREN RANKINGA
EITBko Batek Daki saioaren zatitxo bat ikusi eta erantzun galderei.
02. LEHENENGO BELDURRA
Ikusi hainbat adibide, eta azaldu ahoz zure txikitako beldurrak foroan.
EMAN AHOLKUAK ETA PARTEKATU ESPERIENTZIAK
Aurrez aurreko saioan egitekoa: Nola gainditu zenituzten txikitako beldur horiek? Sartu, berriro, forora, hiruzpalau egunera, eta ikusi besteek botatakoak. Horren arabera, erantzun ikaskideei, aurrez aurreko saioan, eta azaldu zure esperientzia, eman aholkuak...
03. BIHURTU BIZIAGO
Testu idatzi bat modu biziagoan berridatziko duzu. Ondoren, ahoz azalduko duzu.
AUKERATU TESTURIK EGOKIENA
Sartu, berriro, forora (hiruzpalau egun pasa eta gero) eta ikusi besteek botatakoak. Horren arabera, aukeratu testurik egokiena, eta bota mezua aukeraketaren zergatiak agertzeko.
04. NOLAKO FILMA DA?
Beldurrezko film baten kritika idatziko duzu.
BOTA ZEURE IRITZIA
Sartu, berriro, forora (hiruzpalau egun pasa eta gero), aukeratu ikaskideren batek egindako aipamena eta Ikusi aipatutako filma.
Aurrez aurreko saioan egitekoa: azaldu ados zauden ala ez ikaskideak filmaren gainean esandakoarekin, eta bota zeure iritzia.
05. EUSKAL PERTSONAIA MITOLOGIKOAK
Zerrendako pertsonaietako bat aukeratu, informazioa bildu, eta ikaskideei deskribatuko diezu. Azkenik, jasotako informazioaren berri emango duzu.SARRERA IDATZI
Aurrez aurreko saioan egitekoa: taldeka jarrita, foroan bildutako informazioa moldatu eta sarrera bana idatziko dute euskaltegiko blogerako, pertsonaien berri emateko.
Blogaz gain, bidali idatzitako testua WhatsApp/e-posta bidez zure hiru laguni.