Kale-kantoitik
Arte-kontuak landuko dituzu lan-koaderno honetan. Adibidez, euskaltegiaren horma nagusia edertzeko horma-irudiaren diseinua proposatuko duzu, auzoko festetarako dantza-ikuskizunik egokiena aukeratuko duzu ikaskideekin eta, denon artean, gehien maite dituzuen euskal kantuen zerrenda osatu, konpartitu eta zabalduko duzue.
01. ZER IRUDITZEN ZAIZU?
Euskaltegiko kanpo-horma batean horma-irudi bat margotzeko diseinua adostuko duzue.
OSATU LEKUAK DESKRIBATZEKO ADJEKTIBOEN ZERRENDA ETA ATERA ONDORIOAK
Aurrez aurreko saioan egitekoa: Jarri taldeka eta jaso dokumentu bakarrean adjektibo guztiak.Azaldutaldeetan egindakoa, eta osatu zerrenda bakarra guztion artean. Azkenik, egin publiko zerrenda; euskaltegiko blogean, euskaltegiko hormaren batean jarritako txartelaren bidez...
02. DANTZAN
Bi dantza-ikuskizun alderatu eta bat aukeratuko duzu, horretarako zergatiak azalduta.
AUKERATU IKUSKIZUNA
Aurrez aurreko saioan egitekoa: Adostu ikaskideekin zein dantza-ikuskizun aukeratuko duzuen auzoko festetarako.
03. AMETS, BETI AMETS...
Ikaskideon ametsak bilduko dituzue jarduera honetan.
NOLAKOAK GARA?
Aurrez aurreko saioan egitekoa: Galderari erantzuteko, idatzi zure izena folio zuri batean. Ondoren, pasa eskuinetan duzun ikaskideari, zuri dagozkizun adjektiboak idatziko ditu eta ondokoari pasako dio folioa hark idatz ditzan bereak. Horrela egingo duzue guztion zerrendak osatu arte. Azkenik, bakoitzak jaso duen adjektibo-zerrenda irakurriko die ikaskideei eta idatzitakoarekin ados dagoen azalduko du.
04. ZEIN DIRA HISTORIAKO MUSIKARIRIK ONENAK?
Nazioarteko musikari onenen, eta gehien maite dituzuen euskal kantuen zerrendak osatuko dituzue.
OSATU TALDE-ZERRENDA
Aurrez aurreko saioan egitekoa: Adostu euskal kantuen zerrenda. Ondoren, partekatu Spotify edo Youtube erabiliz.
BIDALI ZERRENDA LAGUNEI
Elkarbanatu kantu-zerrenda zure lagunekin. Horretarako, bidali zerrendaren lotura, e-posta, Whatsapp edo sare-sozialak erabiliz. Argitaratu euskaltegiko blogean ere.