Jai-giroan
Paella ona egiteko errezetetako bat ezagutu, landu eta azpititulatuko duzu. Horretaz gain, zure gustuko errezetaren bat azalduko diezu ikaskideei, jairik gustukoenak deskribatuko dituzu eta parrandaren ondorioak gainditzeko aholku-zerrenda sortuko duzu haiekin batera.
01. PAELLA-LEHIAKETA
Paella baten errezetari azpitituluak jarriko dizkiozu eta paella onak egiteko aholku-zerrenda prestatuko duzu.
ORDENATU, OSATU ETA GEHITU AZPITITULUAK
Aurrez aurreko saioan egitekoa: Bildu hirunaka, eta errepasatu wikian egindakoa. Adostu ordena, gehitu berriak, aldatu daudenak... Ondoren, bideoa jarrita prestatu dituzuen azpitituluak irakurriko dituzue bideoaren gainean, besteei egindako lana erakusteko.
Azkenik, alderatu emaitzak eta idatzi paellak egiteko aholku onak, sortutako zerrenda euskaltegiko blogean argitaratzeko.
02. JAIETAKO BEREZITASUNA
Jaietan dastatzen diren jaki berezietako baten errezeta azalduko duzu ahoz.
HOBETU AZALPENAK
Aurrez aurreko saioan egitekoa: Jarri bikoteka, eta bakoitzak egindako grabaketa entzungo duzue txandaka. Ekarpenak egingo dizkiozue elkarri azalpena hobetzeko.
03. JAIRIK ONENAK
Gustuko dituzun jaiak deskribatu ondoren, jairik onenak aukeratuko dituzue.
AUKERATU JAIRIK ONENAK
Aurrez aurreko saioan egitekoa: Asmatu eta zerrendatu zein festa aipatu dituzuen. Adostu zein diren jairik onenak eta azaldu zergatiak. Adostu ondoren, eman erabakiaren berri euskaltegiko blogean eta azaldu lagun bati.
04. JAIETAKO OHITURAK
Jaietan zer egiten duzun zehaztu ondoren, plana osatuko duzue jaietan bisitan etorriko zaizuen atzerriko lagun-taldearentzat.
IRUZKINDU AHOLKUAK
Zure mezua bota eta gero, sartu maiz forora, eta egin iruzkinak besteek idatzitako aholkuei (hori probatu dut baina ez du funtzionatzen..., oso ideia ona iruditzen zait..., saiatu zara gainera beste hau egiten?...