Opor ahaztezinak
Oporretarako etxea trukatuko duzu, eta, horretarako, azalpen egokiak emango dituzu. Zure txikitako pasadizo batzuk azalduko dituzu, oporretako esperientzia txarren bat kontatuko duzu eta oporrak planifikatzen hasiko zara. Horiek dira, besteak beste, lan-koaderno honetan egingo dituzunak.
01- TRUKATU ETXEAK
Oporretara joan ahal izateko beste etxe bat eskainiko duzu trukean.
ESKATU XEHETASUNAK
Sar zaitez, handik bizpahiru egunetara, forora. Ikusi ikaskideen iragarkiak. Aukeratu bi iragarki, eta bidali erantzuna xehetasun gehiago eskatzeko. Erantzun, jakina, zuri bidalitakoei.
Aurrez aurreko saioan egitekoa: Bikoteka jarri eta azaldu elkarri zuen eskaintza. Behin azaldutakoan, bikoteak aldatu (denok denekin egin arte). Azkenik, bakoitzak egokiena iruditzen zaion eskaintza aukeratu eta besteei azalduko die.
02- HAIEK GARAIAK, HAIEK!
Atzera begira jarri, eta taldeko ibileren mapa osatuko duzue denon artean.
ERREPASATU TALDEKO IBILEREN MAPA
Aurrez aurreko saioan egitekoa: Mapa zabaldu, egindakoa errepasatu, eta datu gehiago gehituko dizkiozue.
03- EZ NAIZ EL ROMPIDORA ITZULIKO
Esperientzia txarra edukitako opor-leku batera ez bueltatzeko erabakia azaldu eta arrazoituko duzu ahoz.
ADOS AL ZAUDE BESTEEK ESANDAKOAREKIN?
Egun batzuk pasa ondoren, itzuli forora. Entzun arretaz besteek esandakoak. Aukeratu mezu pare bat (edo gehiago) eta bota erantzuna zure iritzia azaltzeko.
Aurrez aurreko saioan egitekoa: Azaldu elkarri aipatutako esperientziak, eta erantzun galdera: Zer egin dezakegu hemendik aurrera horrelakorik ez gertatzeko?
04- ZER ERAMANGO DUZU?
Oporrak planifikatzen hasiko zara. Horretarako, hainbat erabaki hartuko dituzu.
EMAN AHOLKUAK IKASKIDEEI
Ikusmiratu maiz foroa, eta osatu ikaskideek botatako informazioa: "krema hori ez da oso ona, badira hobeak...", "ezingo duzu hori hegazkinean eraman...", "hara bazoaz, beste hau eramatea ere komeni zaizu...".
Aurrez aurreko saioan egitekoa: Errepasatu eta osatu emandako aholkuak. Bildu interesgarrienak eta argitaratu euskaltegiko-blogean, edo egin txartel bat euskaltegiko pasilloan jartzeko.