Ikastaroak

Kohesioa landuko dugu ikastaroa honetan. Kohesioak idatziaren barne-lotura gauzatzen du. Baliabideak eskainiko dira ideiak behar bezala lotu eta haien arteko harremanak modu egokian adierazteko.

HABEk zuzenean edo lankidetzan antolatutako tankera desberdineko prestakuntza-jarduerak izango dira uztailean, Bilbon eta Donostian. Izena emateko epea zabalik dago interesaturik dagoen ororentzat.

Ahoskeraren lehen moduluan Prosodiaren inguruan jardun genuen. Eta esan dezakegu solfeoa ikasten ibili ginela. Ikastaro honetan, berriz, testuak aztertu eta irakurketa dramatizatua baliatuko dugu partitura bere osoan interpretatzen ikasteko, hitzak esanahiz eta ñabardurez betez, tonu egokia aurkituz, erritmo-aldaketak taxuz eginez eta intentzioari antzemanez. Helburua, esan gabe doa, komunikazio-indar osoa lortzea da.

GIELE elkarteak HABErekin batera, Donostiako Miramar Jauregian, 2019ko azaroaren 15ean eta 16an antolatuko duen jardunaldirako ponentziak prestatu eta aurkezteko gonbitea.

Martxoaren 28an aurkeztu zen UPV/EHUko uda ikastaroen 38. edizioa. Matrikula irekita dago eta murriztua izango da maiatzaren 31ra arte. Aurten HABEren lankidetzarekin tailer bat antolatuko da Donostiako Miramar Jauregian uztailaren 4an eta 5ean: Ikas-ziberkomunitateak eta irakasleen prestakuntza.

Bizimodua eraldatu egin digute teknologiek: aldaketa handia eta etengabekoa da. Horren aurrean, bizitza osoan ikasteko jarrera eta konpromisoa, etengabeko ikaskuntza alegia, izan daiteke erantzuteko bide egokia. Halaber, izugarri zabaldu dute teknologiek antzeko interesak dituzten pertsonak aurkitzeko modua. Hau honela, besteekin eta besteengandik ikastea betidanik eman den gertaera bada ere, biderkatu egin dira bide horiek teknologien eta Interneten eraginez. Komunitatea oro har ondo baloratutako terminoa den arren, badago ikuspegi hori kolokan jartzen duenik; beste alde batetik, teknologiek ere badituzte arriskuak eta mugak. Hala eta guztiz ere, ezin da alde batera utzi egun komunitateeek --eta zehatzago esanda, ikas-ziberkomunitateek-- garapen profesionalerako, prestakuntzarako eta geure burua bizitza osoan janzteko eskaintzen duten aukera.

Ikas-ziberkomunitateez eta elkarrekin/elkarrengandik ikasteko esparruaz hausnartzeko zein erabakiak hartzeko tartea izango dugu tailer honetan.

Koherentzia aspaldiko kezka da euskararen erabiltzaile guztiontzat. Ikastaro honetan, koherentzia esaldi pilaketa hutsa baino askoz gehiago dela ikusiko dugu, eta haren inguruko korapiloak askatu eta testu ulergarriagoak idazten trebatuko gara.

Argitasuna aspaldiko kezka da euskararen erabiltzaile guztiontzat. Ikastaro honetan, prosamoldea iluntzen duten auziak aztertuko ditugu, azaletik bada ere, eta trebezia eskuratuko korapilo horiek askatu eta testu ulergarriagoak idazteko.