Ikasle itsuen eskolaratzeari buruzko aurrez aurreko ikastaro bat dago aurreikusita 2021erako Cervantes institutuaren irakasleentzako prestakuntza-eskaintzaren barnean; Mª José Menéndez Mayoral izango da irakaslea. Erreferentzia bat aipatzen da ikastaro horri buruzko informazioan; “Actividades para la integración de invidentes en el aula ELE”, hain zuzen. Kongresu batean aurkeztu zen komunikazio bat da eta orduko bideoa eskura dago Interneten.

Eusko Jaurlaritzako Kultura eta Hizkuntza Politika Sailak BERDINTZEN 2021 beka-deialdia argitaratu du, euskara eta genero berdintasunari buruzko ikerlanak egiteko. Guztira lau beka izango dira, bakoitza 7.500 eurokoa. Eskabideak aurkezteko epea 2021eko martxoaren 22ra arte egongo zabalik.

PRIMERAN! B2 materiala aurkezteko online saioetan zuzenean esku hartzeko aukerarik izan ez zutenentzat, otsailaren 19ko saioaren bideo-grabazio editatua eta aurkezpenean erabilitako dokumentazio osatua daude hemen eskura.

Euskara batuaren aditzak jokatzeko eta bilatzeko aplikazioa da "Adizkinator". Hona hemen Ander Herranz egileak idatzitako aurkezpen laburra,

"Competencias digitales en el aula. Estrategias y modelos de implementación en la enseñanza de idiomas" liburua idatzi dute Olga Juan-Lázaro eta Leyre Alejaldre Bielek. ELE ikasgelan, eta hizkuntza-ikasgeletan oro har, hezkuntz teknologia txertatzeko gida bat da.

Bi bideo-aurkezpen egingo dira egileen eskutik Primeran! B2 materialaren berri emateko: bata otsailaren 12an eta bestea 19an. Eguerdiko 12etan izango dira eta ordubete iraungo dute. Aurkezpen hauetan parte hartzeko izena eman beharko dute interesatuek formulario bat betez.

PRIMERAN! B2.2, materialaren bigarren eskuliburua argitaratu du HABEk. 2020ko irailean kaleratu zen PRIMERAN! B2.1 eskuliburuarekin batera, B2 mailako argitalpena osatzen du. www.primeranb2.ikasbil.eus atariko edukiak ere eguneratu egin dira, PRIMERAN! B2 egitasmoaren osagai guztiak ikasle eta irakasleen esku jarriz.

Duela gutxi eman genuen hemen "Euskara kolokialaren eskuliburua"-ren berri; baina, zer dago HEOCean erregistro horri buruz? Sarrera honetan curriculumean zehar agertzen diren zenbait alderdi zehaztuko ditugu, lagungarri gertatuko zaizuelakoan.