"Catalá a mida", lan-postuen hizkuntz eskakizunetan oinarritutako heziketa-proiektua

Argitaratua: osteguna, 11 urria 2001, 11:10
Monografiak 4

"Catalá a mida" enpresa-alorrean sortu den hizkuntz heziketarako proiektu bat da. Heziketa hori laneko premiei ahalik eta ondoen egokitzeko  asmoarekin sortu zen. Bi helburu ditu proiektu horrek: bata, langileek beren laneko zeregin propioak betetzeko behar duten hizkuntz heziketa  edukitzea eta ez, oro har, jendeari eskaintzen zaion heziketa estandarra, erabilera berezietatik baino gehiago, hizkuntzaren ezaugarrietatik abiatzen dena. Bigarren helburua enpresari heziketa-kostua gutxitzea da: ikastaroarena berarena eta langileek horretarako behar duten denborarena. Izan ere, behar bereziak soilik asetzea bilatzen duen heziketa, ezinbestean laburragoa da eta eskuragarriagoa.