Bilatzailea

2017ko urtarrila-ekaina

BESTE ITURRIETATIK

- Multimedia Learning-a eta bigarren hizkuntzen ikaskuntza (I): teoria. (J. Daniel García, Eduardo Rigo eta Rafael Jiménez)

- Visual Thinking-a hizkuntzen irakaskuntzan eta ikaskuntzan (Garbiñe Larralde eta Itziar López)

- Parekoen behaketa irakasleen garapen profesionalean: Video Enhanced Observation (VEO) sistemarekin egindako esperientzia praktiko bat (Jaume Batlle)

BESTELAKO LANKIDETZAK

- Irakaskuntzarako bideoak: zergatiak, irizpideak eta gidalerroak (Amaia Arroyo)

Didaktika Topaketa hau urtarrilaren 28an egingo da Donostian; 123 lagunek eman dute izena bertan eta hiru atal nagusi izango ditu: ordu bete inguruko bi saio, aldi berean egingo diren hiru saio eta mintzodromoa.

Konplexua da oso ahozko komunikagaitasuna garatzeko prozesua. Horregatik, irakaslearen eginkizun nagusietariko bat da ikasleari laguntzea arrakastaz komunikatzeko bidean. Ikasleak —hizkuntza-erabiltzaileak— helburua lortuko badu, egokia behar du izan mintzamenaren planteamendu didaktikoak. Hori du xede, hain zuzen, ikastaroak.

Formazio-planaren “Hizkuntz kalitatearen oinarriak” izeneko lehen moduluan landu ditugun hiru gaietan (“Hitz-ordena”, “Puntuazioa”, “Argitasuna”), perpaus-mailako kontuen inguruan jardun dugu gogoeta egiten, prosamoldean korapiloak detektatzen eta esaldi argiak idazteko jarraibideak ematen.

Bigarren moduluan, berriz, “Idazkuntzaren hasi-masiak” izenekoan, lehen urratsa eman, eta Koherentziaren erabileran trebatu gara. Baliabideak eskuratu ditugu pentsamenduaren adierazpide logikoa gauzatu eta ideien aukera, hurrenkera eta garapen egokia bermatzeko.

Oraingoan, bigarren urratsa emango dugu: “Kohesioa”. Kohesioak idatziaren barne-lotura gauzatzen du. Baliabideak eskainiko dira ideiak behar bezala lotu eta haien arteko harremanak modu egokian adierazteko.

2017ko ebaluazio-irizpideak bateratzeko saioak antolatu ditu HABEk. Agindu eta Ebazpen berriaren eraginez hainbat aldaketa funtsezko egin dira egiaztatzegintzako prozeduretan eta, ondorioz, hainbat zalantza sortu dira. Honatx, labur, hainbat argibide zalantzok uxatzeko.

Artikulugileak ikerketa hau 2002-2003 ikasturtean burutu zuen Eusko Ikaskuntzaren eta EHUko Soziologia Fakultatearen ardurapean dagoen HIZNET Hizkuntza Plangintzarako Ikastaroaren barruan. Ikastaroaren bukaeran ikerlan bat egiten da jasotako jakintza eta ezagupen guztien ondorio gisa. Ikerketa horretan, Santurtziko Udal Euskaltegian jardundako hainbat euskara-ikasle helduk duten motibazioaren, jarreraren eta euskara ikastean egindako aurrerapenaren arteko elkarreragina bilatu nahi izan du. Ikasle horiek udal-langileak dira.

Hizkuntzen ikas-irakaskuntzan izan diren metodoen ibilbide historikoa azaldu ondoren, ikuspegiak eta metodoak sailkatzeko Kumaradivelu-k egindako proposamena aurkezten du Diaz Maggioli-k bideo honetan.

10 ekarpenek osatzen dute “Gramática y aprendizaje de lenguas: perspectivas cognitivas y aplicaciones pedagógicas” uda ikastaroa, HABEk eta EHUk lankidetzan 2004an eratua, eta Legazpi 6ko Joseba Ezeiza, eta Granadako unibertsitateko Jenaro Ortega, Alejandro Castañeda eta José Plácido Ruiz irakasleek eskainia. Gramatika da hitzaldi guztietan ardatz, eta gramatikaren jabekuntza nola hobetu dute mintzagaia.