"Principles of Good Practice" (Jokabide egokien oinarriak) dokumentuaren hirugarren edizioa plazaratu du ALTE erakundeak berriki. Bi argitalpen daude honen aurretik: 1994an egin zen lehendabizikoa eta eta 2001ean bigarrena. Hizkuntza-probak sortzean eta aplikatzean ALTEko kide eta afiliatu guztiek sinatzen dituzten jarraibideen bilduma koherentea osatzea da asmoa.

Héctor Ruiz Martín elkarrizketatu du Francisco Herrerak L de Lengua podcastaren 134. zenbakian. Berriki argitaratu dioten liburu bateko gaiez aritu da: zertan lagundu dezakeen ikuspegi zientifikoak ikaskuntzan eta irakaskuntzan, landu dituen kontzeptuak, zeintzuk diren funtsezko prozesuak, mito sasizientifikoei buruzko eranskina… Oinarrizko bibliografia ere gomendatu du.

Bi jardunaldi egin ziren joan den astean ELE (espainiera atzerriko hizkuntza gisa) esparruan: "II Jornadas formaACTIVAS de profesores", Valladoliden, eta "II Encuentro de profesores innovadores y creativos", Madrilen.

Bertan landutakoari buruzko informazioa Sarean aurki daiteke.

Zer da hizkuntz paisaia? Nola baliatu hizkuntza ikasteko? Lola Pons-i egindako elkarrizketa bat oinarri dela, gai honen inguruko aukera eta baliabide batzuk ikusiko ditugu.

Neus Sans eta Pablo Garrido izan dira L de Lenguaren 133 podcasteko gonbidatuak; unitate didaktikoaren planifikazioa izan dute hizketagai.

Sare sozialetan ikasleen "lagun" izan ala ez? Gai horren inguruko ikerketa baten berri eman zuten artikulu batean Turan, Durdu eta Gotkas irakasle turkiarrek. Testuingurua gure esparrutik urrun samar egon arren, planteatzen direnak zein emaitzak eta ondorioak hausnarketarako baliagarri suerta dakizkiguke.

Difusion-Prolinter Sarien II. edizioko sariak eman eta irabazleen lanak aurkeztu dira berriki Madrilen antolatu diren "VII Jornadas Didácticas para profesores de ELE" jardunaldien baitan.

Hizpide 86an artikulua idatzi zuen Hector Ríos dugu sarituen artean, aldizkarian aurkeztutakoarekin lotura zuzena duen lan batekin.

Cambridge University Press-eko "World of Better Learning" blogean irakurri dugu Heidi Burrows-ek duela gutxi idatzitako sarrera bat. Gai interesgarri bezain mamitsuak sumatu ditugu izenburuan, besteak beste, hausnarketa, irakaskuntza eta garapen profesionala. Proposatu dituenak ez zaizkigu, seguruenik, arrotz izango; agian, erabili ere egin edo egiten ditugu. Edonola ere, gogoratzeko eta dagoeneko Irakasbil esparruan gai horiei buruz dauden material batzuk berriz plazaratzeko aukera emango digu.